web counter
LEXO PA REKLAMA!

SHKARKO APP

App Store
Google Play

“Regjim që i merr mandatet opozitës”/ Berisha nga Brukseli: Rama mbajti fjalim si Hoxha dhe Gaddafi

7 Prill 2025, 11:40, Politikë CNA

“Regjim që i merr mandatet opozitës”/ Berisha nga

Kreu i Partisë Demokratike, Sali Berisha, ishte pjesë e mbledhjes së grupit të Partive Popullore Europiane në Bruksel. Berisha mbajti edhe një fjalim, ku ndër të tjera theksoi se për të siguruar një mandat të katërt, Edi Rama vendosi të arrestojë tre liderë të partive kryesore të opozitës.

Berisha tha se kur Rama erdhi në pushtet, mbajti një fjalim që kujtonte shumë dy diktatorët, Hoxha dhe Gaddafi.

Berisha u shpreh se Rama ka krijuar një regjim, që i merr mandatet opozitës.

“Për të siguruar një mandat të katërt, Edi Rama, i cili erdhi në këtë institucion dhe mbajti një fjalim që kujtonte shumë atë të Hoxhës apo të Gaddafi-t, vendosi që për mandatin e katërt të arrestojë tre liderë të partive kryesore të opozitës. Ai arrestoi kryetarin e Partisë Demokratike, vendosi në arrest shtëpie për 330 ditë kreun e Partisë Demokratike, Sali Berisha, me akuza të rreme pas një hetimi që zgjati katër vjet. E akuzuan se kishte dhënë për dhëndrin e tij 400 metra tokë publike, ndërkohë që toka kurrë nuk kishte qenë publike. Sipas dokumenteve zyrtare, ajo ishte tokë private që u përkiste gjyshërve të tij. Ai ishte një nga gjysmë milioni njerëz që morën mbrapsht pronat e konfiskuara nga regjimi komunist. Duke shkelur çdo ligj dhe çdo Kushtetutë, atij iu bllokua komunikimi me avokatët.

Por disa muaj më parë, ai arrestoi kreun e partisë së dytë opozitare, Ilir Meta, si person nën hetim. E arrestuan, e keqtrajtuan në rrugë, e tërhoqën zvarrë, e rrahën, pa i treguar asnjë urdhër-arresti. I treti, kreu i partisë së tretë opozitare, Fatmir Mediu, ish-ministër i Mbrojtjes, ndodhet në një proces penal për një çështje që është gjykuar para 15 vitesh dhe nuk ekziston më asnjë fakt i ri.

Regjimi i merr mandatet opozitës. Edi Rama i mori mandatin dhe arrestoi Fredi Belerin. Aktualisht ai është deputet në Parlamentin Europian. U arrestua me dëshmi të rreme, dhe ndonëse ishte zgjedhur, nuk iu lejua kurrë të bënte betimin, sepse Rama donte me çdo kusht që Beleri të mos bëhej kryetar i Bashkisë së Himarës. Kjo, sepse për interesa mafioze, Edi Rama kishte marrë pjesë në një pronë publike, duke e trajtuar si pronë të tij, ndërkohë që nuk ishte e tillë. Kështu, Beleri kaloi një vit e gjysmë në burg, nuk u lejua të bënte betimin dhe humbi mandatin si kryetar bashkie",-tha Berisha./CNA 

 





Lajmet e fundit nga