web counter
LEXO PA REKLAMA!

SHKARKO APP

App Store
Google Play

E fundit!

x

PD, takim në Londër/ Topalli: Shqiptarët kanë ikur se u është mbyllur një derë në fytyrë

6 Prill 2025, 20:49, Politikë CNA

PD, takim në Londër/ Topalli: Shqiptarët kanë ikur se u

Partia Demokratike ka zhvilluar një takim me shqiptarët në Londër. E pranishme në takim, drejtuesja politike e PD për diasporën, Jozefina Topalli u bëri thirrje shqiptarëve për të votuar më 11 maj.

Topalli u shpreh se nëse nuk merret një vendim i fuqishëm më 11 maj, Shqipëria rrezikon të mbetet pa shqiptarë.

Sipas Topallit, shqiptarët nuk kanë ikur për luks, por sepse i është mbyllur dera e shpresës dhe mundësive për një të ardhme në atdhe.

“Kur vendi, vendlindja ka nevojë, bijtë e Shqipërisë janë gjithmonë aty për t’i ndihmuar, dhe ju jeni sot aty, dhe unë jam sot këtu për t’ju thënë ejani më 11 maj, ejani në Shqipëri më 11 maj, për të votuar për kombin. Jo thjesht për një vendim politik, jo thjesht për një rrotacion politik, por për të votuar për kombin, për të cilin nëse ne nuk marrim një vendim të fuqishëm më 11 maj, rrezikon të mbesë pa shqiptarë. Ju, një prani kaq e madhe e juaja tregon për një histori dramatike të vendit tonë gjatë viteve të fundit. Nuk është më sikur shqiptarët largoheshin nga diktatura duke hyrë nëpër ambasada, por është po aq rëndë, në 10 vjet, 12 vjet, në një dekadë, të ikin 1 milion shqiptarë, është drama më e madhe që mund t’i ndodhë një kombi. Dhe unë e di mirë se asnjë prej shqiptarëve, as ju që jeni këtu në Londër, as ato që janë në Nju Jork, as ato që janë në Gjermani, në Itali, në Greqi dhe në ende të tjera, ato nuk kanë ikur nga luksi, ato kanë ikur se i është mbyllur një derë në fytyrë, ata kanë ikur se nuk i është dhënë asnjë shpresë dhe asnjë perspektivë për të ardhmen, ato kanë ikur sepse ato nuk kishin asnjë mundësi për të ndërtuar jetën e tyre në vendin e tyre. Ne kemi mundësinë që më 11 maj të bëjmë një rrotacion dhe të përmbysim një realitet i cili është gjeja më e rëndë në historinë e kombit tone”, tha Topalli./ CNA





Lajmet e fundit nga