web counter
LEXO PA REKLAMA!

SHKARKO APP

App Store
Google Play

Vizita e parë në Ballkan/ Përfaqësuesja e BE-së, Kaja Kallas viziton nesër Shqipërinë

7 Prill 2025, 12:24, Politikë CNA

Vizita e parë në Ballkan/ Përfaqësuesja e BE-së, Kaja

Përfaqësuesja e Lartë e Bashkimit Europian për Politikë të Jashtme dhe Siguri, Kaja Kallas, do të vizitojë këtë javë Shqipërinë. Mësohet se Kallas nga data 7 deri më 9 prill do të vizitojë edhe Malin e Zi, dhe Bosnje-Hercegovinën.

Këto data pune janë përcaktuar në kuadër të vizitës së saj të parë në Ballkanin Perëndimor, të njoftuar sot nga Shërbimi i Politikës së Jashtme të BE-së.

Gjatë vizitës së saj në Ballkanin Perëndimor dhe qëndrimit në Podgoricë, Kallas do të takohet të hënën me presidentin dhe kryeministrin e Malit të Zi, Jakov Milatoviç dhe Milojko Spajiç. Kaja Kallas do të zhvillojë një takim me përfaqësues të sektorit civil dhe do të marrë pjesë në një aktivitet të organizuar nga Ministria e Mbrojtjes, me një fjalim mediatik të planifikuar përkrah Spajiç.

Të nesërmen, bashkëbisedues të Kallas në Shqipëri do të jenë sërish presidenti dhe kryeministri, Bajram Begaj dhe Edi Rama. Pas një konference të përbashkët për shtyp me Ramën, Kallas do të zhvillojë diskutime me ministrin për Europën dhe Punët e Jashtme, Igli Hasani dhe ministrin e Mbrojtjes, Pirro Vëngu, ku do të hapin takimin e parë të Dialogut të Sigurisë BE-Shqipëri.

Kaja Kallas do të marrë pjesë edhe në nënshkrimin e marrëveshjes së kredisë ndërmjet Bankës Europiane të Investimeve për ndërtimin e hekurudhës nga Durrësi në Rrogozhinë dhe do t'u drejtohet studentëve dhe sektorit joqeveritar në Tiranë.

Në Bosnje dhe Hercegovinë, Kallas do të diskutojë çështjet me përfaqësuesit e misionit EUFOR, anëtarë të Presidencës së BeH, si dhe me kryetaren e Këshillit të Ministrave, Borjana Krišto dhe ministrin e Punëve të Jashtme, Elmedin Konakoviç./CNA





Lajmet e fundit nga