web counter
LEXO PA REKLAMA!

SHKARKO APP

App Store
Google Play

E fundit!

x

Ditë historike për shqiptarët në Mal të Zi/ Inaugurohet Konsullata e Përgjithshme e Shqipërisë në Ulqin

7 Prill 2025, 15:30, Politikë CNA

Ditë historike për shqiptarët në Mal të Zi/ Inaugurohet

Sot Shqipëria ka hapur Konsullatën e Përgjithshme në Ulqin të Malit të Zi.

Ministri për Europën dhe Punët e Jashtme i Shqipërisë, Igli Hasani, në një reagim në rrjetet sociale e ka konsideruar hapjen e konsullatës ditë historike për komunitetin shqiptar në Mal të Zi.

"Sot në Ulqin inauguruam Konsullatën e Përgjithshme të Shqipërisë, një ditë historike për komunitetin shqiptar në Mal të Zi. Një tjetër dëshmi e përkushtimit të Shqipërisë ndaj shqiptarëve kudo që jetojnë dhe e marrëdhënieve të veçanta Shqipëri–Mal i Zi", ka shkruar ministri Hasani.

Sipas tij, komuniteti shqiptar në Mal të Zi ka dhënë një kontribut të jashtëzakonshëm në rrugën demokratike dhe euroatlantike të vendit, dhe ka qenë gjithmonë një faktor i rëndësishëm stabiliteti dhe bashkëjetese.

“Do të vazhdojmë ta mbështesim këtë rol dhe të inkurajojmë përfaqësimin e tyre aktiv në të gjitha nivelet e jetës institucionale”,- cilësoi Hasani.

Pjesë e ceremonisë së inaugurimit të konsullatës ishin edhe zyrtarë të Malit të Zi dhe qytetarë të Ulqinit./CNA

                                                                                





Lajmet e fundit nga