web counter
LEXO PA REKLAMA!

SHKARKO APP

App Store
Google Play

E fundit!

x

Përgjimet/ Brizida Gjikondi për CNA: Publikimi i tyre nuk përbën shkelje

7 Prill 2025, 22:28, Politikë CNA

Juristja Brizida Gjikondi në një intervistë për CNA ka folur për përgjimet e bëra në burgun e Durrësit ndaj kryebashkiakut Erion Veliaj.

Gjikondi është shprehur se publikimi i përgjimeve është diçka që ndodh në çdo vend të botës pavarësisht se mund të cenohet reputacioni i një personi.

Gjikondi ka theksuar se për sa kohë që flitet për gjëra që kanë interes publik dhe jo për gjëra që janë personale pasi janë dy çështje të ndryshme, nuk ka asnjë shkelje, jo vetëm të rastit në fjalë, por shumë përgjime që kanë të bëjnë me figura të larta të politikës shqiptare do ishte mirë që t’u viheshin shqiptarëve në lexim dhe të mos kishte influenca dhe opinione dhe njerëz të ndryshëm.

Sipas juristes, nga Gjykata e Strasburgut në dhjetra vendime, është përcaktuar që publikimi i përgjimeve të gjykatës dhe prokurorisë nuk përbëjnë shkelje kur publikohen nga mediat pasi në radhë të parë është interesi i publikut e më pas reputacioni i një personi të caktuar ndaj të cilit dalin këto përgjime.

“Mendoj se këto janë momente të së vërtetës. Media shqiptare vuan nga një imoralitet i tejskajshëm dhe nga një lëvizje nga boshti i moralit të profesionit të gazetarit për t’i ofruar shqiptarëve të vërtetën dhe gjykimin pastaj për faktet dhe të gjitha informacionet që jepen t’i mbeten audiencës. Jo vetëm tani në publikimin e përgjigmeve, por disa herë ka rastisur që shqiptarët e shohin që gazetaria është lakuriq.

Gazetaria në Shqipëri është ndër të paktat institucione që nuk ka një ligj që e rregullon. Ka një kod etik të vjetër dhe të prapambetur dhe nuk ka një organizim serioz ku gazetarët të kenë një frymë bashkëpunuese dhe morale ndaj njëri tjetrit. Publikimi i përgjimeve është diçka që ndodh në çdo vend të botës pavarësisht se mund të cenohet reputacioni i një personi.

 Nga Gjykata e Strasburgut në dhjetra vendime, është përcaktuar që publikimi i përgjimeve të gjykatës dhe prokurorisë nuk përbëjnë shkelje kur publikohen nga mediat pasi në radhë të parë është interesi i publikut e më pas reputacioni i një personi të caktuar ndaj të cilit dalin këto përgjime.

Publikimet ndodhin kudo. Për sa kohë që flitet për gjëra që kanë interes publik dhe jo për gjëra që janë personale pasi janë dy çështje të ndryshme, nuk ka asnjë shkelje, jo vetëm të rastit në fjalë, por shumë përgjime që kanë të bëjnë me figura të larta të politikës shqiptare do ishte mirë që t’u viheshin shqiptarëve në lexim dhe të mos kishte influenca dhe opinione dhe njerëz të ndryshëm.

Pushtetet në Shqipëri nuk janë të ndara. Për herë të parë po ndahet pushteti i drejtësisë, që nuk është më nën udhëheqjen e politikës. E dimë shumë mirë që politika ishte mësuar që të kishte të gjitha pushtetet nën këmbët e saj, e në shumë raste për t’i përdorur në mënyrë abuzime”, tha Gjikondi./ CNA





Lajmet e fundit nga