web counter
LEXO PA REKLAMA!

SHKARKO APP

App Store
Google Play

E fundit!

x

Përgjimet ndaj Veliajt/ Gjikondi: Duhet një ligj në mbështetje të medias që zbardh dokumentacione

7 Prill 2025, 22:51, Politikë CNA

Juristja Brizida Gjikondi ka deklaruar se zbardhja e përgjimeve ndaj Veliajt ka vërtetuar krizën e rëndë që ka gazetaria shqiptare, e cila nuk ka një kod etik, moral dhe profesional.

Në një intervistë për CNA, Gjikondi është shprehur se duhet një ligj që medias t’i jepet mbështetje që ajo të zbardhë dokumentacione që shqiptarët të gjykojnë çfarë është e mirë dhe çfarë është e keqe.

“Fushatat mediatike pro personave të inkriminuar nuk kanë influencë, por kur janë personazhe publik apo politik patjetër që ndikojnë në adrenalinën negative që u bën shqiptarëve ndaj drejtësisë. Kam qënë avokate që nga viti 1994 dhe e njoh si funksionon sistemi i drejtësisë dhe nuk ka bërë vaki që prokuroria të jetë kaq e pavarur dhe e pandikuar nga opinion bërës të fuqishëm ose jo kundër një çështje të caktuar.

E përsëris, raste si ky i dy muajve të fundit (zbardhja e përgjimeve të Veliajt) vërtetojnë krizën e rëndë që ka gazetaria shqiptare, të mos pasjes së një kodi etik, moral, profesional. Duhet një ligj që medias t’i jepet mbështetje që ajo të zbardh dokumentacione jo të bëj interpretim, që shqiptarët të gjykojnë çfarë është e mirë dhe çfarë është e keqe”, është shprehur Gjikondi.

Jursitja tha për CNA se në kohën kur nisi procesi helmi që gjenerohej, agresiviteti, dhuna psikologjike ndaj drejtësisë së re shqiptare që deri dje po kjo mazhorancë e ngrinte në piedestal, krijoi një shok të madh psikologjik dhe vërtetoi se jo vetëm një pjesë elitare e mazhorancës por përfshirë edhe kryeministrin, nuk e kishin njohurinë se si funksionon psikologjia e shqiptarëve./ CNA





Lajmet e fundit nga