web counter
LEXO PA REKLAMA!

SHKARKO APP

App Store
Google Play

E fundit!

x

Takimi në Portin e Durrësit/ Rama: Projekt i ri me elementë ushtarakë që do të përdoren edhe nga NATO

8 Prill 2025, 15:52, Politikë CNA

Takimi në Portin e Durrësit/ Rama: Projekt i ri me elementë

Kryeministri Rama zhvilloi sot një takim me përfaqësues të kompanive të transportit, në Portin e Durrësit. Rama u ndal edhe në një diskutim mbi lehtësimin e procedurave dhe përmirësimet që mund të bëhen në të ardhmen për portin e Durrësit.

Në fjalën e tij, Rama tha se të ndërtohet një port i ri që do të jetë ultra modern me të gjitha llojet e elementëve të një porti të standardeve ndërkombëtare.

Rama u shpreh se pritet që në port të ketë edhe komponentë ushtarake që do përdoren nga NATO.

Në përfundim të takimit, u nënshkrua marrëveshja mes Drejtorisë së Përgjithshme të Doganave dhe Drejtorisë së Përgjithshme të Policisë së Shtetit për “Një shtesë në Urdhrin e përbashkët të dy drejtorive për miratimin e rregullave “Për bashkëpunimin për kryerjen e procedurave dhe veprimeve të përbashkëta të autoriteteve të Policisë dhe Autoriteteve doganore.”-nga Drejtori i Përgjithshëm i Doganave dhe Drejtori i Përgjithshëm i Policisë së Shtetit.

 “Edhe diçka tjetër që dua të shtoj, ju e dini, por thjesht për t’ju dhënë një informacion. Ne do të ndërtojmë portin e ri që do të jetë ultra modern me të gjitha llojet e elementëve të një porti të standardeve ndërkombëtare që ndërtohet nga e para, se portet nga e para përgjithësisht janë ndërtuar dhe ndërtohen jashtë Evropës. Në Evropë nuk para ka të tillë.

 Kemi marrë një ekspertizë absolutisht prestigjioze ndërkombëtare, është bërë procesi i seleksionimit të parë, pra faza e parë është kryer, në dijeninë time tani hyhet në fazën e dytë për të përzgjedhur përfundimisht fituesin. U bë një rikthim i procesit sepse kërkesa e mbikëqyrësit qe kemi, Royal Haskoning janë shumë, shumë strikte dhe u kthye gara. Tani ka prodhuar rezultatin dhe tani është faza ku kompanitë që kanë kaluar fazën e parë do të kryejnë çfarë parashikon gara për fazën e dytë dhe do të dalë dhe fituesi.

Momenti që del fituesi do bëhet negocimi i kontratës, do lidhet kontrata dhe do të fillojë ndërtimi i portit që do jetë një infrastrukturë krejt tjetër dhe pastaj aty edhe nga pikëpamja domethënë e teknologjisë do jetë niveli më i lartë i teknologjisë. Nuk do t’i lëmë asgjë mangët atij porti sepse do kemi aty, sipas të gjitha gjasave, edhe një komponentë ushtarake që do përdoret nga NATO, kështu që besoj ditët më të mira janë të gjitha përpara edhe për sektorin tuaj”,-tha Rama./CNA

 





Lajmet e fundit nga