E fundit!

13:58 Aktualitet

Abuzuan me fondet dhe skemën e ndihmës ekonomike/ Jepen masa sigurimi për 6 zyrtarë

Me kërkesë të Prokurorisë pranë Gjykatës së Shkallës së Pa...

Muçollari: Problemet në Astir-Yzberisht, zgjidhjet që priten nga PD-ja

10 Prill 2025, 11:04, Politikë CNA

Muçollari: Problemet në Astir-Yzberisht, zgjidhjet që priten

Në zonën e Astirit dhe Yzberishtit janë përqendruar të gjitha problemet që kanë njerëzit sot në Shqipëri nga një qeveri e keqe 12-vjeçare. Në takimet e përditshme që ka me banorët atje, kandidati i PD-ASHM, Grigels Muçollari, i konstaton këto shqetësime dhe paraqet zgjidhjet e opozitës.

I gjithë ky komunitet që e kalon shifrën e 70 mijë banorëve nuk ka një gjimnaz, shkollë, një kopsht apo çerdhe. Fëmijët dhe prindërit duhet të shkojnë jashtë njësisë së tyre, çka u merr më shumë se 1 orë kohë dhe ka kosto.

Muçollari ka zbuluar për publikun një rast ku një qytetar i zonës i ka dhuruar bashkisë 10 mijë metra katrorë truall për të bërë një shkollë e një gjimnaz, por që kjo nuk ka ndodhur prej 6 vitesh tashmë.

Në takimet me banorët, Grigels Muçollari angazhohet se ky projekt do të vihet në jetë pas 11 majit.

Po ashtu, bizneset e vogla që mezi mbijetojnë, ankohen për detyrimet e shumta që paguajnë. Programi i PD-së ka parashikuar se ato do të kenë zero taksa, për xhiro deri në 180 mijë euro në vit.

Pensionistët shprehen se ajo që marrin nuk u mjafton për të mbyllur muajin, e jo më për të përballuar edhe shpenzime mjekësore.

Muçollari ka bërë të ditur angazhimin e opozitës, që në 100 ditët e para do të ketë një përmbysje totale të gjendjes. Minimumi jetik prej 200 eurosh do të garantojë bazën jetike, dhe pensionet do të rriten me 20 për qind mbi këtë prag.

Një problematikë tjetër e mprehtë është ajo e legalizimeve të parealizuara. Me gjithë premtimet e rilindjes, ende janë mijëra banorë që nuk kanë të drejtën e pronësisë mbi kursimet, mundin, punën e djersën e tyre. E po ashtu, ka të tjerë të dëmtuar nga projekte publike, që janë lënë rrugëve.

Grigels Muçollari ka garantuar se me PD-në, pas 11 majit, ky proces finalizohet. Asnjë dokument shtesë, asnjë pagesë. Dhe parimi do të jetë, legalizim, pastaj urbanizim. Që do të thotë shpërblim sipas tregut për këdo që preket nga një zhvillim infrastrukturor.

Shumë çifte të reja kanë zgjedhur këtë zonë për të krijuar familjen. Muçollari u ka shpalosur atyre platformën e PD-së, që synon të mbështesë e lehtësojë kreditimin për strehë, që i përjashton nga taksat nismat e sipërmarrjet e atyre nën 30 vjeç./ CNA