web counter
LEXO PA REKLAMA!

SHKARKO APP

App Store
Google Play

E fundit!

x

Propaganda e Ramës me pasaportën e BE-së/ Klodian Tomorri: Mashtrim i madh

10 Prill 2025, 19:30, Politikë CNA

Propaganda e Ramës me pasaportën e BE-së/ Klodian Tomorri:

Gazetari Klodian Tomorri është shprehur se propaganda e pasaportës së BE nga kryeministri Edi Rama ishte një mashtrim i madh, të cilin ia hodhi popullit apo elektoratit në pamundësi për shpalljen e një program apo vizioni.

I ftuar në emisionin Task Force, Tomorri ka deklaruar se, Edi Rama nuk ka çfarë u ofron qytetarëve dhe nuk mund t’ju thojë që unë gjatë këtij mandati do ta çoj Shqipërinë në këtë nivel sepse nuk ka program fare.

“Propaganda e pasaportës ishte një mashtrim i madh, që ju hodh popullit apo elektoratit, në pamundësi për shpalljen e një programi apo vizioni.

Rama nuk kishte më çfarë t’ju tregonte më shqiptarëve.  Nuk mund të thoshte më pas tre mandatesh qeverisje që unë tani do ju sjell ujin 24 orë.

Nuk mund të thoshte dot se, unë do ju përmirësoj jetën, do ju rris rroga e pensione, se këto duhet ti kishte bërë kohë më parë dhe shpiku historinë e pasaportës Europiane, a thua se integrimi evropian ishte i lidhur apo dhe varej nga Edi Rama.

Pasi mori goditjen pardje nga deklaratat e Kaja Kallas se integrimi nuk varet dhe nuk është i lidhur se kush është në qeveri, apo kryeministër, sot është detyruar të ndryshojë taktikën e vet, por në një taktikë që nuk i shkon një kryeministri, të dalë dhe ti bëjë thirrje qytetarëve të vet, mos dilni dhe mos votoni.

Është e qartë, Edi Rama nuk ka çfarë u ofron qytetarëve dhe nuk mund të ju thojë që unë gjatë këtij mandati do ta çoj Shqipërinë në këtë nivel se, nuk ka program fare.

E tani del e thotë mos votoni atë tjetrin, dhe shih sa në absurd që bie. Dakord thotë mos më votoni mua se, ndoshta doni më shumë, keni pretendime për më shumë, por rrini në shtëpi.

Po si arrihet më shumë? Rrini në shtëpi që të rri unë prap këtu.

Tashmë askush nuk mund të pretendojë më, as vetë Rama që opozita nuk ka më akses në kancelaritë perëndimore, por gjithmonë e më shumë PD-ja po thirret dhe po merr pjesë në tryezat më të rëndësishme.

Kemi pasur një sërë rezolutash nga partitë e djathta në mbështetje të opozitës shqiptare. Pra e gjitha kjo duket se përkon me një rënie të Edi Ramës që konfirmohen edhe nga ato sondazhe që bëhen nga grupe afër qeverisë, por madje edhe nga sondazhet e vetë PS-së dhe mesa duket kryeministrit kanë filluar të mos i dalin llogaritë dhe është hedhur në sulm që të dekurajojë qoftë elektoralin gri, por edhe ata votues potencial të së djathtës, duke thënë se, mos dilni, mos votoni këta se nuk e meritojnë’, deklaron Tomorri./ CNA





Lajmet e fundit nga