E fundit!

08:27 Aktualitet

Helmohen sërish nga ushqimi dhjetëra kursantë të Akademisë së Sigurisë

Helmohen sërish kursantët e Akademisë së Sigurisë në Sauk....

“U legalizuan paratë e krimit me firmën e Edi Ramës”/ Xhaferri: Pas 11 majit kurojmë ekonominë shqiptare

11 Prill 2025, 15:35, Politikë CNA

“U legalizuan paratë e krimit me firmën e Edi Ramës”/

Kreu i FRPD-së, Besart Xhaferri, është shprehur sot se në mediat ndërkombëtare, Shqipëria është prezente për dy gjëra, grupet kriminale dhe kullat e ndërtuara në Tiranë. Nëpërmjet një postimi në rrjetet sociale, Xhaferri ka reaguar ndaj një lajmi të publikuar nga një media e huaj, mbi aktivitetin e grupeve kriminale shqiptare.

Xhaferri thotë se këto lajme ekspozojnë Shqipërinë si vendin që u legalizoi paratë e krimit në kulla dhe në investime strategjike me firmën e Edi Ramës.

Xhaferri shton se pas 11 majit do të ketë një program për të kuruar ekonominë shqiptare nga ajo që e quan narkoeuro.

“Media me madhe botërore, 'BBC', skanoi aktivitetin e grupeve kriminale shqiptare në Amerikën Latine, që kanë përmbytur Europën dhe Britaninë me kokainë, teksa ekspozoi Shqipërinë si vendin që u legalizoi paratë e krimit në kulla dhe në investime strategjike me firmën e Edi Ramës.

Prej më shumë se një viti Shqipëria është prezente në mediet më të rëndësishme në Europë, për dy gjëra, grupet kriminale dhe kullat që i kanë dhënë Tiranës hijen e Medelinit, ndërkohë ka dhe disa media periferike në rajon e BE që paguhen me taksat tona që bëjnë ndonjë lajm të sponsorizuar për turizmin dhe për artistin rebel që pasi magjepsi Parisin vendosi të kthehej në kështjellën e tij bunker në Surrel, që e ka ndërtuar pas shitjes së veprave të artit.

Mediet ndërkombëtare dhe agjencitë ligjzbatuese po vënë gishtin në plagë, ndërtimi i narkoshtetit që ka hapur dyert për grupet kriminale nga mbarë bota.

Amerika i ka shpallur organizata terroriste grupet e trafikut të kokainës dhe në Ekuador pritet të zbarkojë ushtria amerikane, teksa kjo do minojë përfundimisht aleancën tregtare Ekuador-Shqipëri që ka në themel bananet dhe kullat.

Pas 11 majit do kurojmë ekonominë shqiptare nga narkoeuro dhe do ta orientojmë atë drejt kapitalit njerëzor dhe prodhimit.

Ne nuk do t'i rrisim fëmijët tanë në koshin e mbeturinave të Europës se kështu kërkon Edi Rama, i cili nuk ka mësuar asgjë nga e shkuara e errët e këtij vendi dhe as nga fati që patën sivllezërit e tij në Amerikën Latine”,-shkruan Xhaferri./CNA