web counter
LEXO PA REKLAMA!

SHKARKO APP

App Store
Google Play

E fundit!

x

“Bëjmë auditin e narkoshtetit”/ Berisha: Zero tolerancë ndaj korrupsionit

11 Prill 2025, 21:25, Politikë CNA

“Bëjmë auditin e narkoshtetit”/ Berisha: Zero

Kreu i Partisë Demokratike, Sali Berisha u ndal gjatë te lufta kundër korrupsionit, në fjalën që mbajti mbrëmjen e kësaj të premteje, në çeljen e fushatës zgjedhore. Berisha theksoi se armiku më i egër për një popull është korrupsioni i qeveritarëve të tij.

Berisha tha se moto e PD-së do të jetë: Zero tolerancë ndaj korrupsionit.

Berisha u shpreh se PD-ja synon të bëjë auditin e përgjithshëm të narkoshtetit, që do u rikthejë shqiptarëve qindra miliona euro më shumë të vjedhura prej tyre.

Berisha shtoi se 11 maji është fundi i qeverisjes së Edi Ramës.

“Pastrimi i shtëpisë edhe njëherë, Zoti e do Shqipërinë kur ne ta pastrojmë atë. Zoti vjen në shtëpi kur ne ta pastrojmë atë.

Ndaj dhe u garantoj se zero tolerancë ndaj korrupsionit do të jetë motoja jonë.

Të dashur miq, njeriu i lirë, njeriu i punës, njeriu i ndershëm nuk ka armik më të egër se korrupsionin e qeveritarëve të tij.

Korrupsioni vret mundësitë e të rinjve, vret mundësitë e njerëzve. Korrupsioni mbjell krimin dhe pasigurinë. Korrupsioni mbjell skamjen dhe varfërinë.

Jam këtu për t’u zotuar para shqiptarëve se zero tolerancë ndaj shpërdorimit dhe vjedhjes së pasurive të tyre, parave të tyre.

Jam këtu për t’u dhënë fjalën shqiptarëve se auditi i përgjithshëm i narkoshtetit do u rikthejë shqiptarëve qindra miliona euro më shumë të vjedhura prej tyre. Jam këtu para jush për t’u zotuar se organizatat kriminale kudo që janë, në Shqipëri, në Aruba, Dubai, kudo që ndodhen, do vendosen përpara ligjit dhe bashkë me ta ministrat kriminelë, ministrat hajdutë.

Ligji dhe vetëm ligji, të drejtat e qytetarëve, shteti ligjor, janë dhe do mbeten motoja jonë.

Miqtë e mi, Shqipëria Madhështore është vetëm Shqipëria e ëndrrës së këtyre të rinjve. Ndaj dhe Shqipëria do jetë madhështore kur ta shndërrojmë në epiqendër të teknologjive më të larta.

Kur ta vendosim Shqipërinë në trenin e revolucionit të teknologjisë së lartë, ta shndërrojmë atë në epiqendër të dataqendrave, të inteligjencës artificiale, të kriptomonedhave, të internetit 3.

11 maji është fundi i tij”,-tha Berisha./CNA

 

 

 





Lajmet e fundit nga