web counter
LEXO PA REKLAMA!

SHKARKO APP

App Store
Google Play

“Me vetingun më bërë nder”/ Berisha ironizon Ramën: Vitet e mia janë bio

11 Prill 2025, 21:43, Politikë CNA

“Me vetingun më bërë nder”/ Berisha ironizon

Këtë të premte u çel fushata zgjedhore e Partisë Demokratike dhe Aleancës për Shqipërinë Madhështore. Në fjalën e tij, kreu i Partisë Demokratike, Sali Berisha ndër të tjera ironizoi edhe kryeministrin Edi Rama.

Berisha u shpreh se pas vetingut që bëri Rama, i bëri nder, sepse u tregoi shqiptarëve se ku qëndron forca e pathyeshme e tij.

Berisha tha sepas këtij vendimi del sot para shqiptarëve si politikani më i pastër që ka njohur Shqipëria edhe më gjerë.

Berisha shtoi me ironi se sa i përket moshës, vitet e tij janë që të gjitha vite bio.

 “Edi Rama me propagandën e tij përpiqet nga mëngjesi deri në darkë, i qan hallin kalorësit se i varen këmbët, i qan hallin Berishës. I them para jush, Edvin vitet e Sali Berishës janë që të gjitha vite bio. Vettingu që i bëre me lakrenjtë e tu treguan se Sali Berisha del sot para shqiptarëve si politikani më i pastër që ka njohur Shqipëria edhe më gjerë.

Edvin me atë vetting për të cilin nuk e di si e nise për si e nise, mund të them se nder më bërë, u tregove shqiptarëve se ku qëndron forca e pathyeshme e Sali Berishës. Sa i përket moshës, ju garantoj se ai ngjet jo me Gramozin, por me gjyshin e Gramoz Ruçit. Ndaj dhe nuk e din ti, se ti vjedh gjithë ditën, por forcë e burrit matet me dashurinë dhe pasionin që ka ai për të ndihmuar shoqërinë, kombin dhe vendin e tij”,-u shpreh Berisha./CNA

 

 

 





Lajmet e fundit nga