web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e 11 majit/ Rama: Një marshim i fundit, për t’i shkuar pas profetit kombëtar drejt tokës së premtuar

12 Prill 2025, 14:29, Politikë CNA

Zgjedhjet e 11 majit/ Rama: Një marshim i fundit, për t’i shkuar

Kryesocialisti Edi Rama ishte i fundit që mbajti një fjalim në çeljen e fushatës zgjedhore të partisë së tij.

Në fjalën e tij, për të cilën që në fillim tha me ironi se do të ishte e shkurtër, Rama u shpreh se sot nis një e përpjetë e fundit drejt BE-së.

Kryeministri Rama tha se ky mandat është një marshim i fundit drejt tokës së premtuar, referuar Bashkimit Europian.

Më tej, Rama u shpreh se shqiptarët e kanë fshehur thelbin perëndimor në shekuj brenda vetes.

“Tani do përballoni dhe fjalën time si zakonisht të shkurtër. Për ne socialistët sot këtu nis e përpjeta e fundit drejt Europës. Për ne është vetëm 1 datë, e afërt sa 30 mëngjese dhe 1 mandat i gjatë sa 4 vite. Mos e harroni, për këtë bast, në të dyja anët e medaljes, kanë hedhur çfarë kanë pasur arbërorët dhe shqiptarët. Unë nuk kam ardhur t’ju zhys nëpër legjenda, por për t’i shkuar pas së bashku me ju, në një marshim të fundit drejt tokës së premtuar, profetit tonë kombëtar.

Sot na ka zgjedhur ne fati për t’i dhënë shtysën e fundit gurit të pavarësisë, pavarësisë para ligjit dhe mos ta shtyjmë poshtë si guri i Sizifit. Nuk ka në Ballkan një popull të dytë si shqiptari që në shekuj të jetë ngulur në majë të një shkëmbi për t’i mbijetuar gjithçkaje. Nuk ka në Ballkan komb tjetër më të njehsuar me ndjenjën e përkatësisë për Europën. Arbëria ka mundur të fshehë brenda vetes në shekuj thelbin perëndimor. Ta ruajë përgjatë çdo persekutimi, ta nxjerrë atë të gjallë nga izolimi më i egër që ka njohur bota komuniste”, tha Rama./ CNA

 

 





Lajmet e fundit nga