web counter
LEXO PA REKLAMA!

SHKARKO APP

App Store
Google Play

E fundit!

x

“Nuk mund ta humbasim takimin e historisë për mustaqet e Kujtim Gjuzit”/ Rama, ironi me opozitën nga çelja e fushatës

12 Prill 2025, 14:41, Politikë CNA

“Nuk mund ta humbasim takimin e historisë për mustaqet e Kujtim

Kryeministri Edi Rama, gjatë fjalës së tij në hapjen e fushatës zgjedhore, nuk ka lënë pa ironizuar edhe kundërshtarët e tij politikë.

Teksa fliste për anëtarësimin e Shqipërisë në BE, që e cilëson si takim historik, Rama tha se nuk mund ta humbasim për mustaqet e Kujtim Gjuzit.

Më tej Rama tha se deri në anëtarësimin në BE mbase dhe këneta do të jetë tharë, referuar opozitës.

Ironinë nuk e kurseu as për partitë e reja, të cilat i quan shitëse qilimash dhe tha se kanë disa emra qesharakë.

“Populli shqiptar ka dhënë pa kursyer për të bërë Europën dhe kur Europa ishte e përfshirë nga  pesimizmi. Është ai zëri gjëmues mbi male, e para klithmë ekzistenciale për të dëshmuar arbërorin në mes të Europës. Është dekada e ardhjes së fatit europian në dorën tonë. Si asnjëherë më parë, BE ka shkuar përtej fjalëve, premtimeve dhe ka hapur portën e madhe duke na dhënë një fat për të mbyllur negociatat dhe për të hyrë në atë shtëpi të ëndërruar në 2027. Nuk mund ta humbasim takimin e historisë për mustaqet e Kujtim Gjuzit. Të takosh historinë apo të futesh nën mustaqet e Kujtim Gjuzit. Është koha të nisim kuvendimin e madh të shqiptarëve përtej së majtës e së djathtës, për Shqipërinë zonjë në sallonin e madh të familjes së madhe europiane. Sa më të bashkuar për fatin që na ka ardhur në dorë. Mbase dhe këneta opozitare do të jetë tharë deri atëherë. Shqipëria 2030 do të jetë një vend në një tjetër pozicion, një shtet anëtar i një familjeje të madhe. Me ne ose me kënetën madhështore ose me shitësit e qilimave rreth e rrotull kënetës, që kanë ca emra qesharakë, jo bëhet, jo s’bëhet, jo bashkë, jo veç”, u shpreh Rama./ CNA





Lajmet e fundit nga