“Më 11 maj firmosim fundin e Ramës”/ Berisha: Në Këshillin Europian foli si diktator

13 Prill 2025, 18:38, Politikë CNA

“Më 11 maj firmosim fundin e Ramës”/ Berisha: Në

Kreu i Partisë Demokratike ishte sot në qytetin Brescia të Italisë, ku zhvilloi një takim me shqiptarët që jetojnë atje. Takimi u mbajt në nisje të fushatës zgjedhore për 11 majin.

Në fjalën e tij, Berisha tha se asgjë nuk mund të mposhtë shqiptarët në diasporë, në Itali dhe në botë, që më 11 maj firmosin fundin e Edi Ramës, fundin e narkodiktaturës.

Berisha u shpreh se në pritjen e Këshillit të Europës, Rama foli si narkodiktator.

Berisha shtoi se Rama për të marrë një mandat të 4-të, burgosi liderët e tre partive kryesore opozitare dhe licencoi mbjellje të reja të kanabisit.

“Miq të mi, fasada ra. Së pari dua tu them se të hënën që kaloi u prita në Asamblenë Parlamente në Këshillin e Europës, tempullin e madh të demokracisë evropiane, në dy ndëgjesa, në dy grupet kryesore parlamentare kushtuar Shqipërisë dhe para një seri takimesh të veçanta përfshirë këtu, kryetarin e asamblesë së Këshillit të Europës dhe delegacione të vendeve anëtare, në të cilat unë isha zëri i shqiptarëve.

Paraqita narkodiktaturën e Edi Ramës. Njoha miqtë tanë në Europë se narkodiktatori për të marrë një mandat të 4-të arrestoi, burgosi liderët e tre partive kryesore opozitare.

Për të marrë një mandat të 4-të licencoi mbjellje të reja të kanabisit.

Për të marrë një mandat të 4-të ka aktivizuar bandat e krimit të organizuar në Shqipëri, në Dubai, në Aruba, kudo që janë.

Por informova miqtë e mi europianë se përsëri ne do të fitojmë.

Informova se nuk ka të dhënë politike, nuk ka bandit dhe banda, nuk ka krim të asnjëlloji që mund të mposhtë shqiptarët në diasporë, në Itali dhe në botë.

Se ata me 11 maj firmosin fundin e Edi Ramës, fundin e narkodiktaturës.

Në këto takime, në këtë vizitë, gjeta atë që smund të ma priste mendja kurrë.

Gjeta që kreut të narkoshtetit shqiptar në Këshillin e Europës ja kishin anuluar darkën zyrtare që do të shtrohej për nder të tij, sepse ishte sjellë në mënyrë të padenjë në tempullin e demokracisë.

Darka ju anulua sepse ai foli aty si nipi i xhelatit Spiro Koleka. Se ai foli aty sikur të ishte i biri i Muhamer Gadafit.

Se ai foli aty si narkodiktator, por jo vetëm kaq, por kishte marrë bandit të cilët më pas i kërcënuan me qindra mesazhe, ata që i anuluan darkën.

I marrë, mendoi se do të trembte Europën me banditë të tij.

Kjo ishte historia e tij në Këshillin e Europës miqtë e mi”,-tha Berisha./CNA