web counter
LEXO PA REKLAMA!

SHKARKO APP

App Store
Google Play

“Ka rritje të kallëzimeve penale”/ Dumani: Janë sekuestruar pasuritë në 59.7% të çështjeve

14 Prill 2025, 11:32, Politikë CNA

“Ka rritje të kallëzimeve penale”/ Dumani: Janë

Kreu i SPAK-ut, Altin Dumani, ndodhet sot në KLP, ku po kryen raportimin vjetor mbi punën e institucionit të drejtësisë. Në fjalën e tij, Dumani u ndal gjerësisht edhe te ndryshimet e një viti të plotë të punës.

Dumani, gjatë raportimit për vitin 2024, tha se ka hetime të filluara nga kallëzimet e qytetarëve.

Sipas Dumanit, në periudhën 2022-2024 ka rritje të procedimeve penale.

Kreu i SPAK-ut theksoi se në 2024, me asistencën e ekspertëve ndërkombëtarë, janë bërë hetime për krimin pasuror në SPAK.

Dumani ndau edhe disa të dhëna të tjera statistikore sa u përket masave të ndërmarra nga çështjet e hetuara nga SPAK-u.

“Ka hetime të filluara nga kallëzimet e qytetarëve. Vihet re ndryshim i raportimeve nga Policia e Shtetit.

Në 2022-2024 regjistrohen në trend rritës procedimet penale. Dëshmohet me 9.37% rritja e tyre. 218 çëshjte të përfunduara dhe rritje me rreth 13% me çështjet e vitit 2023.

Në 2024 me asistencën e ekspertëve ndërkombëtarë janë bërë hetime për krimin pasuror në SPAK.

Nis edhe hetimi financiar paralelisht me këto hetime.

Vlera e pasurive të sekuestruara është në 59.7% të rasteve. 65.5 milionë euro është vlera e pasurive të sekuestruara.

Kjo është 43.8% e vlerës totale.

SPAK ka kërkuar politikë penale në përputhje me rregulloren europiane.

270 persona të paraburgosur janë nën hetim. 165 persona janë burgosur nga procedimet e SPAK-ut.

145 çështje janë gjykuar në SPAK. 54 çështje nga këto kanë përfunduar tashmë.

Prokuroria merr masa dhe mbikëqyr masat ndaj procedimeve penale.

20 vendime kanë marrë formë të prerë nga Shkalla e Parë. 3 vendime kanë shkuar në Gjykatën e  Lartë.

Sistemi i menaxhimit të çështjeve bëhet në tërësi. Brenda 2025 synojmë vënien në funksion të raporteve dhe statistikave.

Do të bëhen të mundura përmes menaxhimit elektronik të çështjeve”,-tha Dumani./CNA  





Lajmet e fundit nga