web counter
LEXO PA REKLAMA!

SHKARKO APP

App Store
Google Play

E fundit!

x

“Suvaja e Rilindjes dhe gostia e kryebashkiakut”/ Dega e PD-së në Gjirokastër denoncon shqetësimin

13 Prill 2025, 22:43, Politikë CNA

“Suvaja e Rilindjes dhe gostia e kryebashkiakut”/ Dega e PD-së

Partia Demokratike në degën Gjirokastër ka denoncuar sot disa problematika që lidhen me banorët në këtë qytet.

Në një deklaratë për mediat, nga zyra e PD-së në Gjirokastër ngrihen dy shqetësime kryesore. Së pari, suvaja e një pallati në qytet, që shkëputet vazhdimisht dhe kërcënon jetën e banorëve dhe kalimtarëve. Së dyti, tryezën e shtruar të kryebashkiakut Flamur Golemi me disa drejtues e ish-drejtues të zonës.

PD në Gjirokastër ngre pyetjen nëse këto para të përdorura janë nga xhepi i kryebashkiakutapo nga taksat e qytetarëve.

“Suvatë e Rilindjes rrezikojnë jetën e qytetarëve. Pikërisht në lagjen ‘18 Shtatori’, në zonën më të populluar të qytetit dhe pranë shkollës “Hoto Hoxha” ku të gjithë ne si prindër kemi fëmnijët tanë, duhet të vendosen urgjentisht tabelat “Rrezik vdekje”.

Suvatë e pallatit shkëputën nga lartësia e katit të katërt dhe rrezikojnë jetën e banorëve. Tenderat e famshëm të Rilindjes e kanë bërë efektin e tyre korruptiv.

Kryetari i Bashkisë Gjirokastër, shoku Flamur Golemi ka zero shqetësim për situatën. Ajo që e shqetëson atë është fushata e 11 majit dhe gara e brendshme e tyre.

Po s’fitoi Pirro, Kumbaro do t’i shkulë veshin Golemit. I panikosur nga kjo situatë, ai shtron gosti me drejtorë dhe ish-drejtorë e patronazhistë të ngjeshur fort me një njëri-tjetrin, ku të japin përshtypjen sikur rrinë dy veta në një karrige.

Pyetja lind, kjo gosti është nga xhepi i tyre personal apo nga taksapaguesit gjirokastritë.

Nëpërmjet kësaj deklarate, i bëjmë thirrje kryebashkiakut të marrë të gjitha përgjegjësitë dhe t’i përmbahet betimi që ai ka dhënë. Qytetarët gjirokastritë, më datën 11 maj do t'i japin përgjigjen e merituar Partisë Socialiste pa program”,-thuhet në deklaratë./CNA





Lajmet e fundit nga