web counter
LEXO PA REKLAMA!

SHKARKO APP

App Store
Google Play

E fundit!

x

Ndryshimet në punën e SPAK-ut/ Dumani: Të rritet numri i këshilltarëve ligjorë dhe kufiri i nisjes së hetimit pasuror

14 Prill 2025, 11:53, Politikë CNA

Ndryshimet në punën e SPAK-ut/ Dumani: Të rritet numri i

Kreu i SPAK-ut, Altin Dumani, po raporton në KLP mbi raportin vjetor të punës së Prokurorisë së Posaçme. Ndër të tjera, Dumani theksoi edhe dy çështje, që sipas tij kanë nevojë për ndryshime të mëtejshme.

Në fjalën e tij, Dumani u shpreh se këto dy problematika janë domosdoshmëria për shtimin e këshilltarëve ligjorë dhe rritja e kufirit të nisjes së hetimit pasuror.

Dumani tha se shtimi i këshilltarëve ligjorë do të ndihmonte prokurorët në përgatitjen dhe paraqitjen e çështjeve në gjykata.

“Me ndihmën e këshilltarëve, vlerësojmë që prokurorët do të jenë në gjendje t’i japin zgjidhje çështjes në kohë më të shpejtë.

Këshilltarët ligjorë ndihmojnë në paraqitjen në Gjykatën e Lartë dhe Kushtetuese.

T’i përdorim për përfaqësimin e prokurorëve para gjykatave. Ata nuk përfshihen gjatë hetimeve se është sekret.

Nëse do të kishim këshilltarë do të ndihmonte jo vetëm në sasi, por edhe në cilësi”, -tha Dumani.

Sa i përket hetimit pasuror, Dumani tha se kufiri aktual prej 500 eurosh është i ulët dhe duhet të ndryshojë.

“Kam deklaruar edhe më parë që duhet të rritet kufiri monetar sepse 500 euro janë pak. Duhet të rritet kufiri për nisjen e hetimit pasuror”,-tha Dumani./CNA

 





Lajmet e fundit nga