web counter
LEXO PA REKLAMA!

SHKARKO APP

App Store
Google Play

Zv.ndihmëssekretari i SHBA-së: Roli i SPAK-ut i domosdoshëm, goditi të paprekshmit

19 Dhjetor 2024, 10:47, Aktualitet CNA
Zv.ndihmëssekretari i SHBA-së: Roli i SPAK-ut i domosdoshëm,
Zv.ndihmëssekretari i SHBA për Ballkanin Perëndimor, Alexandër Kasanof

Zv.ndihmëssekretari i SHBA-së për Ballkanin Perëndimor, Alexandër Kasanof, foli me superlativa për Prokurorinë e Posaçme gjatë fjalës së tij në aktivitetin për 5-vjetorin e SPAK-ut, në Tiranë.

Kasanof shprehu mbështetje për punën e SPAK-ut, në luftën për goditjen e pandëshkueshmërisë në nivele të larta të politikës.

Ai deklaroi se puna e SPAK-ut është frymëzuese, pasi po jep mesazhin se askush nuk është mbi ligjin.

“Rezultatet e punës suaj japin efekt në shoqëri, duke detyruar politikanë e zyrtarë të mendohen dy herë në vendimet dhe mendimet e tyre.

Ky proces kërkon kohë dhe durim. Për qytetarët është kritike të dinë që qeveria do i trajtojë me paanësi, për t’u ndjerë besimplotë se janë në anën e duhur të ligjit dhe Shqipërinë në anën e duhur të historisë.

Dëshiroj të vlerësoj drejtimin e qeverisë dhe kryeminstrit që ka përparuar në reforma. SPAK ka rol të domosdoshëm në luftën ndaj korrupsionit.

Arrestimet, procedimet penale, bënë që ata që ishin të paprekshëm të flasin shumë. Puna juaj frymëzon shumë. Asnjë nuk është mbi ligjin. SPAK e mban veten llogaridhënës”, theksoi Kasanof./ CNA





Lajmet e fundit nga