80-vjetori i Namik Dokles, një nga personalitetet më të spikatura të së majtës shqiptare

11 Mars 2026, 19:14, Opinione Muharrem Meko

80-vjetori i Namik Dokles, një nga personalitetet më të spikatura

Sot 80 vjetori i Namik Dokles; njërit prej personaliteteve më të spikatura të së majtës shqiptare me të cilin pata fatin të njihem në kohën time më të artë; unë korrespondent i Zërit të Popullit e ai i Deleguar i Kryesisë së PSSH në Rajonin e Korçës, së bashku me Prof. Servet Pëllumbin, etj!

Çka përkonte me vitet e para të pluralizmit politik kur PSSH ishte në zenithin e saj (po edhe e djathta gjithashtu) me përfaqësues nga më të denjët e shoqërisë shqiptare e ajkën e intelegjencës së saj!

Atmosfera politike dhe fushatat e asaj kohe, kanë qenë nga më të ashprat e fatkeqësisht me interferencë deri edhe poshtë në bazë, vështirësitë ishin të jashtëzakonshme, deri edhe në përplasje fizike!

Por me Namikun, lehtësohej gjëja; ai ja hiqte parzmoren edhe kundërshtarit më të zymtë!

Ruaj plot episode të kësaj natyre!

Gjithë ditën e gjatë gjithë fushatës së radhës, që për fat në ato vite u zhvilluan shumë pranë njëra-tjetrës, më duhej të kaloja nën shoqërinë e Namikut, Servetit, Leontievit, Hajdaragës, Majkos, etj, etj, për të pasqyruar në faqet e Zërit të Popullit, si e vetmja gazetë (edhe pse me shumicë tregu i gazetave ) në atë kohë, në mbështetje të Opozitës !

Por dita s’mbaronte me kaq. Në mbrëmje më duhej të interesohesha edhe për sistemin e tyre, madje kur ndonjëhere s’ja arrinim (vetëm një hotel ishte në Korçë) do t'i merrja në shtëpinë time.

Kjo ishte edhe një nga porositë e tim eti “saken se mos i le jashtë, shtrëngohemi pak më shumë ne e ata t'i sjellësh, këtu në shtëpi, me ne!

Edhe pse relativisht familje e plotësuar, me dy prindërit e mi, dy fëmijët e vegjël, bashkëshortja dhe vet...!

Mund të shkruaj shumë për ty i dashur Namik, sot në ditëlindjen tënde të tetëdhjetë, sepse kam seç mund të kujtoj, madje episode brilante, sidomos në "ballafaqimet" e paplanifikuara apo edhe ato të çastit "me kundërshtarët " që mbinin si prej dheu, në sa e sa takime te ndryshme, por po i bie shkurt!

Edhe sepse e di që sot në këtë ditë të veçantë për ju familjarisht, s’ke kohë të lexosh " çarçafët " me urime, ndaj edhe do të mjaftohem vetëm me këtë urim që mua e Florencës, për një mik si ty, na del nga shpirti: Kalofsh Qindshen !

Me shëndet, lumturi e mbarësi në familje!

Dhe, me penën e artë në dorë, ky pasion që po na fal mrekullitë e zemrës e mendjes tënde!

- Ah më fal Namik, e mos mu zemëro për këtë që po të them, tani në fund, por është diçka që më del nga shpirti: “më mirë mos të të kisha njohur fare o Namik Dokle! Ty dhe ata mendimtarët e mëdhenj të PS sepse sinqerisht kur dëgjoj e shikoj këta të sotmit, që ju kanë zëvendësuar juve, më zë tmerri !

Edhe njëherë, kalofsh qindshen mes të dashurve të zemrës tënde!/ CNA