E fundit!

10:38 Kulturë

Ndahet nga jeta mjeshtri i humorit, Todi Llupi

Ndahet nga jeta në moshën 78-vjeçare mjeshtri i humorit To...

"Fatura" që paguan Shqipëria ndaj regjimit të Iranit

5 Mars 2026, 16:20, Opinione Arben Malaj

Pas rasteve të vendimmarrjes personale për asgjësimin e armëve kimike të Sirisë në Shqipëri dhe çështjes së muxhahedinëve, kërkohet kujdes maksimal ndaj vendimeve individuale me risk shumë të lartë për sigurinë kombëtare.

Eksperienca na mëson se marrja e përgjegjësive të tilla pa një konsultim të gjerë institucional rrezikon seriozisht integritetin dhe mbrojtjen e vendit.

Regjimi i Ajatollahut duhej të kishte rënë. Strukturat e luftës hibride nuk do të zhduken; ato mund të bëhen edhe më agresive.

1. Politikë mbi Institucionet

Pranimi i MEK u trajtua si një angazhim personal i kryeministrit Rama, duke anashkaluar filtrat e Këshillit të Sigurisë Kombëtare U krijua një precedent ku diplomacia "shkeli" mbi analizën e rrezikut nga inteligjenca, duke e lënë shtetin pa një strategji mbrojtëse paraprake.

2. Refuzimi i BE-së dhe "Vullnetarizmi" Shqiptar

Ndërsa vendet e BE-së refuzuan edhe kuotat minimale (300 persona), Shqipëria pranoi të gjithë barrën. Ne ishim pak deputete nga te gjitha partite politike që në 2012 i dinim negociatat për t? marrë në Shqipëri vetëm për arsye humanitare rreth 300. Jo të gjithë qe ishin rreth 3500.

Arsyet e refuzimit europian: Kostoja e lartë e monitorimit të një grupi me trajnim ushtarak dhe frika nga hakmarrja e Iranit.

Paradoksi: Shqipëria u bë "vullnetarja" e vetme në një lojë rreziku global, pa pasur kapacitetet e fuqive të mëdha për t'u mbrojtur.

3. Përfituesit nga Zhvendosja (Francë-Durrës)

Franca: Eksportoi një rrezik terrorist dhe tension diplomatik jashtë territorit të saj.
MEK: Siguroi në Ashraf 3 (Manëz) një zonë me autonomi të lartë, e cila në Europë do t'i nënshtrohej ligjeve strikte.

4. Pasojat: Asimetria Kibernetike dhe Sovraniteti

Pasoja kryesore ishte ekspozimi i Shqipërisë ndaj një fuqie kibernetike si Irani pa pasur asnjë "mburojë" reale:

Dëmi ekonomik: Sistemet e-Albania dhe TIMS, ku u investuan qindra milionë euro, u paralizuan në vitin 2022.

Cenimi i sovranitetit: Ekspozimi i të dhënave sensitive të qytetarëve tregoi se siguria kombëtare u sakrifikua për një vendim individual, pa një analizë paraprake të luftës hibride.
Konkluzion: Shqipëria pagoi një "faturë" që vendet e fuqishme e refuzuan. Kostoja nuk ishte vetëm financiare, por lidhej me cenimin direkt të sigurise kombetare I infrastrukturës digjitale dhe privatësisë kombëtare.