E fundit!

08:01 Kosova & Bota

Ari bie pavarësisht inflacionit të lartë në SHBA, ekspertët shpjegojnë arsyet

Ari po shkon drejt muajit të katërt radhazi në rënie, pava...

Një përgjigje për kryeministrin Rama

1 Mars 2026, 16:34, Opinione Besim Ndregjoni

Kryeministrit tonë i dhimbset vila e Enverit dhe jo 6000 të zhdukurit e diktatorit!

Për herë të parë dje opozita bëri një protestë morale, fisnike duke paraqitur para shoqërisë se diktatorët nuk mund të drejtojnë në demokraci dhe shpalosi urrejtjen ndaj financimeve qeveritare dhe korrupsionit për të përjetësuar figurën e diktatorit!

Dje opozita po kërkonte ndjesë me protestën për 6000 shqiptarë që ishin pushkatuar nga diktatori Enver Hoxha dhe sot nuk kanë një varr në tokën e tyre!

Dje opozita nuk protestoi vetëm ndaj një qeverie të korruptuar, por ndaj Ajtollahut shqiptar që ka krijuar një regjim ku përbuzën krimet e diktatorit dhe vlerësohen veprat dhe krimet e tije!

Dje reagoi Ministria e Brendshme dhe e quajti zemërimin e protestuesve 20-vjeçar ndaj godinës ku janë bërë plane ogurzeza ndaj jetëve të pafajshme të antikomunistëve shqiptarë, ku sot nuk kanë një varr, si veprim antikombëtar. Ministri i Kulturës dhe Kryeministri i vendit u tronditën se qenka trembur një grup artistësh. Hipokrizi totale, e pamoralshme e kësaj qeverie me bindje ideologjike diktatoriale për të fshirë krimet e diktaturës të Hitlerit të pas Luftës së Dytë Botërore Enver Hoxha!

Dje opozita u përcolli shqiptarëve se diktatorët nuk kanë vend në një sistem demokratik!

Dje zemërimi popullor nuk ishte ndaj një godine ku kishte jetuar diktatori, por ndaj një Kryeministri që financon miliona dollarë për t’i riparuar këto godina, dhe nuk lejon të ndërtohet një muze për qindra mijëra shqiptarë që përballuan diktaturën dhe patën humbje njerëzore të pakrahasueshme me vendet e Europës Juglindore ku pati regjime komuniste!

Dje opozita kërkoi të japë dorëheqje një Kryeministër që ka sfumuar të gjitha mjetet e funksionimit të shtetit të së drejtës!

Qesharake por dhe shumë domethënëse ishte shkarkimi i Drejtorit të Përgjithshëm të Policisë së Shtetit Ilir Proda.

Kryeministrit po t’i prekish godinën e diktatorit ai të pushon menjëherë! Dhe kjo ndodhi një ditë më pas! Turp për ato media që e trumpetuan shkarkimin e tij sikur nuk mbrojti protestën e opozitës! Jo zotërinj, ai u shkarkua se nuk mbrojti vilën e diktatorit!

Dje mesazhi i opozitës nuk ishte pushteti por demokracia, liria! Kjo tregon moralin e besueshmërisë ndaj popullit!

Dje opozita tregoi moralin se demokracia nuk ndërtohet mbi harresën!

Dje opozita u kthye në misionin antikomunist!

Pa u kryer ky mision nuk mund të ketë demokraci dhe liri!

Liria mbrohet, nuk dhurohet! /CNA