web counter
LEXO PA REKLAMA!

SHKARKO APP

App Store
Google Play

E fundit!

x

Jeta e përditshme e një korçari në kohë bllokimi

28 Shkurt 2026, 12:25, Opinione Ilda Zhulali

Jeta e përditshme e një korçari në kohë bllokimi

Ajo/Ai që më parë udhëtonte për vizita familjare, për punë ose për kontrolle mjekësore, tani përballet me orë të zgjatura nëpër rrugë alternative të dëmtuara. Udhëtimi 2.5-orësh, tani merr të paktën 4-5 orë, në rrugë të lodhshme, duke konsumuar dhe më shumë karburant.

Kur një qytetar korçar shkon në supermerkatë, vëren se disa produkte që vinin nga porti i Durrësit ose nga zonat e tjera të vendit kanë filluar të mungojnë ose janë shtrenjtuar. Kjo vjen si pasojë e kostove shtesë të transportit që kamionët paguajnë për të bërë rrugë më të gjata.

Bizneset e vogla familjare, si një dyqan ushqimor, një bar në qendër ose një strukturë akomodimi në Korçë a Pogradec, vuajnë si mungesën e klientelës ashtu edhe të furnizimit.

Turistët që vinin fundjavave nga Tirana ose Kosova tani hezitojnë të udhëtojnë për shkak të rrugës së gjatë dhe të lodhshme.

Po ashtu, një biznes që porosit lëndë të para nga Tirana, detyrohet t'i marrë ato më rrallë dhe më shtrenjtë, ose gjetkë, duke rritur kostot e funksionimit.

Studentët korçarë që studiojnë në Tiranë e kanë të pamundur të kthehen në shtëpi çdo fundjavë.
Po ashtu, ata që trajtohen në spitalet e Tiranës, përballen me vonesa të rrezikshme dhe lodhje ekstreme. Edhe takimet familjare bëhen më të rralla.

Përtej të gjitha këtyre mbizotëron pasiguria. Mungesa e një afati konkret se kur do të hapet rruga i mban në një gjendje ankthi, duke planifikuar çdo lëvizje me frikën se mos bllokohen ose vonohen për gjërat më elementare të jetës.





12:15 Opinione Ditmir Bushati

THYERJA E BESIMIT

Për dekada të tëra Konferenca e Sigurisë e Mynihut ka shër...

Lajmet e fundit nga