E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

DY HISTORI TË NDYRA/ Dhe tre burra që i mbajmë me lekët e taksave tona!

19 Prill 2026, 11:45, Opinione "Bashkësia Përmet"

DY HISTORI TË NDYRA/ Dhe tre burra që i mbajmë me lekët e

Nisi vjet në kulmin e fushatës elektorale mes tre kryebashkiakëve të Këlcyrës, Tepelenës dhe Gjirokastrës. I dyti kandidoi për deputet dhe dy të tjerët si gra të këqija dhe xheloze u ndjenë keq. I bashkoi qëllimi i përbashkët dhe donin ta turpëronin që të humbiste garën.

Klement Ndoni i Këlcyrës bëri aleancë me Flamur Golemin e Gjirokastrës dhe në lojë futën burrin e një gruaje në Këlcyrë për të turpëruar nënën e fëmijëve të tij. Dhe lajmi mori dhenë, "kandidati Tërmet Peçi është filmuar me brekë nëpër këmbë me një femër dhe videoja do bëjë namin".

Lajmin e dërguan në Tiranë, u bombardua me shpifje çdo portal por video nuk kishte. Të gjithë kërkonin videon si fakt e si provë por kjo video e ndyrë egzistonte vetëm në mendjet djallëzore të dy burrave, Klementit dhe Flamurit.

Në kulmin e fushatës e të skandalit gjasme këta dy fabrikuesit i mburren kryeministrit Edi Rama sikur e bllokuan videon nga publikimi dhe shpëtuan Partinë Scialiste nga turpi.

Zgjedhjet mbaruan, Tërmet Peçi fitoi bindshëm por videon porno nuk e pa asnjë njeri deri më sot. Dolën bllof mysybetët por dy familje i lënduan e i shkatërruan. Kaloi koha, nuk u shërua plaga dhe ja ku jemi me një tjetër plagë.

Dy gazetarë njëri në Gjirokastër Emin Kokalari e tjetri në Tiranë Basir Çollaku hedhin bombën: "Flamur Golemi është i infektuar me një lloj hepatiti të rrezikshëm dhe gjatë marrëdhënieve seksuale ka infektuar edhe 17 gra e burra në bashkinë e Gjirokastrës".

Ashtu si vjet edhe këtë vit nuk kemi as fakte, as analiza dhe as prova por kemi peshën e turpit. Flamur Golemi tashmë po gëlltit çorbën e prishur që i gatoi shokut të tij Tërmet Peçi duke njollosur në këtë mënyrë veten, bashkinë dhe Gjirokastrën.

Pas turpit të Flamurit mendohet se po përgatitet turpi i rradhës por nuk dihet si do e përballojë kryebashkiaku në ikje i Këlcyrës Klement Ndoni. Fundja Klemi nuk ka çfarë humbet, ka 16 vjet që e ha turpin me bukë, me lekë të vjedhura dhe me një copë djathë në fund! /Nga gazeta lokale "Bashkësia Përmet"