E fundit!

12:50 Aktualitet

Vrasja e Martin Canit/ Gjykata e Apelit lë në fuqi dënimin për autorin

Gjykata e Apelit ka lënë në fuqi vendimin për dënimin me 1...

Me zërin duke iu dridhur, flet nëna e Нueyda El Ѕaied: Kur të vdeѕ fëmija, të vdeѕ edhe shpirti…

25 Qershor 2022, 20:20, Lifestyle CNA

Me zërin duke iu dridhur, flet nëna e ?ueyda El ?aied: Kur të

Familja e artistes Hueyda El Saied

7 muaj nga humbja e artistes së ndjerë Hueyda El Saied, në studion e “Rudina” ishte bashkëshorti i saj, Thierry Grosjean me djalin Gabriel, si dhe nëna e saj Diana Çoku. Për familjen e artistes dhimbja është ende e madhe.

“Ndihem shumë keq, nuk kam fjalë për Hueyda-n… sepse kur të vdes fëmija, të vdes edhe shpirti bashkë. Por duhet të bëhem e fortë, sepse kam Gabrielin dhe Tierry-n”.

Ndërsa bashkëshorti Thierry Grosjean, tregon se që nga vdekja e artistes i është dashur të bëhet edhe nënë dhe baba për djalin e tyre 6-vjeçar.

“…është një aventurë e re për mua, është e mrekullueshme, e jashtëzakonshme. Ne jemi të fortë së bashku. Por është ende shumë emocionale për ne të shikojmë këto pamje, këtë fotografi të bukur të Hueyda-s”.

Duke folur për ditët e fundit të Hueyda-s, Thierry tha se ajo nuk hoqi dorë nga të bërit art deri në ditën e fundit.

“Në fakt ajo ishte duke u dominuar nga sëmundja në atë kohë, por ajo vazhdoi të bënte art. Vazhdonte të prodhonte, ka disa skultpura të ndryshme, e keni parë në rrjetet sociale. Edhe kur ishte në spital pikturonte, ishte shumë e rëndësishme për të të mbante të gjallë kurajën dhe të vazhdonte luftën kundër sëmundjes. Dhe donte të merrej me artin në mënyrë paralele. Edhe kur ka qenë në spital të gjithë doktorët shikonin artin dhe veprat që ajo krijonte”,– rrëfeu bashkëshorti i artistes.

Në studio ishin të ftuar edhe disa nga miqtë e Hueyda-s, mes të cilëve ishte edhe moderatori Xhani Shqerra. Ky i fundit foli për djalin e artistes, Gabrielin, duke ndarë prej cilësive që ka trashëguar ai nga nëna e tij e ndjerë.

“Gabrieli ka trashëguar nga mamaja, por edhe nga dashuria e gjyshes dhe e babait mbi të gjitha, përjetimin e gjësë në mënyrë shumë serioze, me atë etikën e tij si të ishte një djalë i rritur. Edhe pse është i vogël dhe nuk e kupton rëndësinë apo gjithë këta njerëz përreth që duan ta përqafojnë, sepse të gjithëve ne na duket sikur përqafojmë motrën tonë apo vajzën e dashur të ekranit… Edhe pse është i vogël, është shumë i dashur, shumë i talentuar. Ka dashurinë për kamerat edhe për gjithçka që ka të bëjë me komunikimin. Është shumë i kujdesshëm ndaj babait. Edhe me mua që kishte kohë që nuk më kishte parë, mua më thërret daja Xhani, vrapoi tek unë si të ishim ndarë dje. Kjo është meritë mbi të gjitha e babait, e Thierry-t, duam që ta falënderojmë publikisht për këtë lidhje që mban me rrënjët”- tha Xhani Shqerra.

Artistja u nda nga jeta në moshën 46-vjeçare më 23 nëntor si pasojë e kancerit të gjirit./CNA.al