LEXO PA REKLAMA!

SHKARKO APP

Capital T "fsheh" jetën private/ I ati i zbulon disa sekrete për martesën

24 Nëntor 2022, 16:48, Lifestyle CNA

Capital T "fsheh" jetën private/ I ati i zbulon disa sekrete

Capital-T është një nga reperët më të mirë të tregut muzikor shqiptar, i cili gjithmonë ka ditur të ruajë balancat mes jetës së tij publike dhe asaj private.

I pyetur edhe në intervista lidhur me faktin se ai qëndron hermetik dhe nuk ndan shumë nga historitë e tij rozë, apo diçka përtej asaj që shfaq publikisht, ai është shprehur se nuk dëshiron të përflitet për të tilla gjëra.

Por së fundmi ka qenë babai i tij, Agim Ademi, i cili ka zbuluar disa nga planet e reperit.

Ai është shprehur se ka dëshirë që së shpejti të bëhet gjysh.

 “Me Trimin jemi shokë. Kemi krijuar një shoqëri dhe kemi folur për gjithçka. Tani e ka momentin. Duhet t’i japë drejtim dhe besoj që ka për t’i dhënë drejtim shumë shpejt. Shpresoj që do ta gjejë njeriun i cili do të jetë i duhuri për të, ose e ka gjetur,”- tha ndër të tjera Agim Ademi në “Wake Up”.

Kujtojmë se më herët reperi ka folur për fëmijërinë e tij dhe ka zbuluar edhe planet e tij për martesë, por pa përmendur emrin e ndonjë vajze që mund të jetë pjesë e jetës së tij.

 “Ka pasur periudha gjatë fëmijërisë që kam qenë shumë problematik, por kam pasur edhe momente që kam qenë shumë i urtë. Unë jam rritur me shumë njerëz të afërt. Madje, familja kurrë nuk më ka përkëdhelur edhe pse njerëzit mendojnë se ne i kemi pasur kushtet”.- ka thënë reperi.

“Unë mendoj që për martesë, kurrë nuk është herët e kurrë nuk është vonë. Edhe nëse do isha martuar 20 apo 22 vjeç, prapë nuk do ishte herët. Unë jam njeri shumë familjar, e dua familjen dhe shpresoj që në një të ardhme të afërt të krijoj familje. Dua të jem një model i mirë për të gjithë njerëzit, madje edhe në këtë aspekt”- ka shtuar ai./CNA.al

 

Lajmet e fundit nga