web counter
LEXO PA REKLAMA!

SHKARKO APP

App Store
Google Play

E fundit!

x

25-vjeçarja e famshme në Tik Tok/ Jeta mes fesë dhe rrjeteve sociale e Fatime Stojkut

7 Tetor 2023, 13:48, Lifestyle CNA
25-vjeçarja e famshme në Tik Tok/ Jeta mes fesë dhe rrjeteve
Fatime Stojku, fenomen ne Tik Tok

City News Albania sjell për shikuesit një personazh mjaft të veçantë, një pjesë e mirë e të rinjve mund ta njohë për shkak të rrjeteve sociale dhe angazhimit të saj viteve të fundit në disa platforma. Ajo është Fatime Stojku, 25 vjeçarja e dashuruar me të bukurën dhe modën, e mbi të gjitha besimtare e fesë myslimane duke vendosur të ketë pjesë të saj edhe shaminë.

"Jam 25 vjeç, kam studiuar për administrim publik dhe politika sociale dhe master menaxhim i burimeve njerëzore. Gjatë këtyre viteve të universitetit kam zhvilluar dhe pasionin tim për të bukurën, fashion, make up, pra të gjitha janë aty në instagramin tim. Me instagramin u bë gati 6 vite dhe prej 1 viti e gjysëm me Tik Tok-un. Në Tik Tok më shumë nga përditshmëria time dhe pak më funny, më sportive, ndërsa në instagram është pjesa më zyrtare siç ka qenë më përpara."

Pas prezantimit se kush është me pak fjalë Fatimja, do të ndalemi fillimisht tek besimi që ajo i përket, si edhe tek arsyeja që ajo vendosi të mbante shami për më tepër se 10 vite tanimë.

"Për pjesën e besimit, duke qenë se vij nga një familje e besimit mysliman, normalisht do apo nuk do, do të marrësh të njëjtin besim. Pastaj, kur u rrita pak, afër gjimnazit vendosa që ta përqafoj në tërësinë e saj, të vendos edhe shaminë sepse besoj se duhet një moshë më e madhe për të marrë disa vendime që më bëjnë mua ta kuptoj më mirë. Nëse do të flisnim për kohën sot ndoshta do të kishin ndryshuar rrethanat por për atë kohë kur unë e kam vendosur shaminë nuk kanë qenë rrjetet sociale kaq me zë dhe të gjithë njerëzit të komentonin diçka. Kam qenë thjesht në botën time, shkoja në shkollë, nuk ka qenë problematike sepse nuk isha e vetmja. Kisha në familje, në shoqëri dhe nuk më bënte përshtypje. Tani s'mund të them si ndihem sepse më duket sikur është pjesë e imja, pasi janë bërë kaq shumë vite dhe e mendoj si flokë. Mund të jenë bërë prej gjimnazit rreth 10 vite, dhe janë goxha shumë."

Pasionin e saj për të bukurën, modën, make up-in, Fatime Stojku e ka nisur fillimisht në instagram, aty ku ka filluar të postojë herë pas here foto e video të sajat.

25-vjeçarja e famshme në Tik Tok/ Jeta mes fesë dhe rrjeteve

"Në vitin e parë të universitetit vendosa ta bëja zyrtare çështjen e instagramit pavarësisht se unë në mendjen time e kam bërë edhe më parë pasi ishte diçka shumë e natyrshme, që në gjimnaz kam vazhduar nëse kisha diçka apo një model shamie, ku më kanë pyëtur më parë si ja bëja, si më ndihmon, dhe kam influencuar duke ardhur shumë natyrshëm pjesa e instagramit që ishte diçka më moderne, më IN dhe kapja një target më të madh të njerëzve. Kështu që pse jo? Nga shoqëria, më pas krijuam shoqërinë virtuale dhe jemi këtu. Ka nisur si çështje pasioni por gjatë rrugës normal që do kesh edhe bashkëpunime të cilat të ndihmojnë për ta kthyer në një drejtim tjetër."

Por, si është pritur ajo nga ndjekësit në rrjetet sociale?

"Derisa jam akoma këtu dhe po bëj të njëjtën gjë, kam patur goxha mbështetje, nga çdo lloj kategorie dhe jam ndjerë mëse mirë. A do të ketë komente të cilat nuk do jenë dakord me atë çka unë bëj? Patjetër që ka, sepse nuk mund të ketë 2 njerëz në të njëjtën mendje, ndryshe nuk do ishte kaq e bukur bota, nuk do të kishte diversitet."

Një tjetër platformë ku 25 vjeçarja është përkushtuar vitet e fundit, është Tik Tok-u. Që prej pandemisë e deri më sot, edhe ky aplikacion ka ecur së tepërmi krahas instagramit për pasionin e Fatimes.

25-vjeçarja e famshme në Tik Tok/ Jeta mes fesë dhe rrjeteve

"Në Tik Tok kam hyrë rastësisht, skeptike, nuk ka patur atë bujën mjaftueshëm në fillim, por gjatë karantinës kam hyrë në tik tok. Ka nisur me disa video që kur e mendoj dhe ju rikthehem, kanë qenë shumë të thjeshta, mundoheshim shumë për të gjetur atë pozicionin, por gjatë kohës ja evoluar dhe tik toku, mënyra si bëhen videot, njerëzit tregojnë më shumë nga përditshmëria e tyre. Për shembull mini vlogs janë shumë të pëlqyer sepse ti i merr njerëzit me vete, siç ka qenë youtube njëherë e një kohë. Thjesht, Tik Tok është një version më i shkurtër dhe më i lehtë i përqafueshëm nga njerëzit."

"Bëj make up tutorials, produkte që përdor, si një grup në shoqëri që ti përdor disa produkte dhe mundohesh ti sugjerosh ato që të pëlqejnë më shumë, ashtu edhe për çështjen e veshjeve, kombinime të ndryshme, unboxing që i kanë pafund qejf."

"Unë momentalisht nuk po merrem vetëm me të qënit influencer, kam edhe bizneset e mia online bashkë me bashkëshortin, punojmë njëkohësisht. Tik Tok-u dhe instagrami ngelen si një side job më shumë si çështje pasioni por fokusi kryesor është normalisht në biznesi online. Por do ta vazhdoj për aq kohë sa do të them që "ok deri këtu do vazhdoj.""

Natyrisht që nuk mund të mos e pyesim Fatimen për një mesazh të sajin drejt moshatarëve të saj, apo edhe të gjithë të rinjve të cilët kanë pasione por druhen t'i shfaqin ato.

25-vjeçarja e famshme në Tik Tok/ Jeta mes fesë dhe rrjeteve

"Dua që të gjithë të bëjnë atë çfarë duan, pa u penguar nga fjalët e njerëzve, apo çfarë mendon dikush tjetër. Sepse në fund të ditës je ti që do e arrish, je ti që do përfitosh, fjalët e një personi aty do të jenë edhe nëse ti ecën. Pra, e rëndësishme është që ti të ecësh, të bësh atë që ti ndihesh rehat. Kjo është me e rëndësishmja."

Të gjitha vajzat që kanë të njëjtin pasion, po ashtu edhe që kërkojnë mendime/sugjerime nga Fatimja, mund ta gjejnë në instagram dhe tik tok, me emrin e saj, Fatime Stojku.

25-vjeçarja e famshme në Tik Tok/ Jeta mes fesë dhe rrjeteve

Fotot, videot e saj në këto aplikacione janë të shumta, po ashtu edhe ndjekësit të cilët tashmë janë besnikë ndaj 25 vjeçares e cila ka sjellë diçka ndryshe./ CNA





Lajmet e fundit nga