E fundit!

12:05 Aktualitet

Protestat/ Balla: Dritan Goxhaj punon për regjimin iranian

Kreu i grupit parlamentar të PS-së Taulant Balla, në një d...

NASA sjell pamje spektakolare nga universi. Shihni fotot

12 Korrik 2022, 18:46, Kuriozitete CNA

NASA sjell pamje spektakolare nga universi. Shihni fotot

Grumbuj galaktikash. Ky është imazhi i parë i skajit të universit, imazh i realizuar nga teleskopi James Webb.

NASA të martën, më 12 korrik, publikoi edhe disa fotografi të reja të bëra nga teleskopi James Webb, që ndër të tjera shfaqin një yll duke vdekur.

Imazhi i parë i teleskopit James Webb Space Telescope u publikua të hënën në Shtëpinë e Bardhë, ku u shfaqën një grumbull galaktikash të largëta, apo pamjen më të vjetër dhe më të hollësishme që njerëzimi ka parë, bën te ditur REL.

Katër fotografitë e reja shfaqin bukuri të tjera kozmike.

“Çdo imazh është një zbulim i ri dhe çdo imazh do t’i japë njerëzimit një pamje që nuk e kemi parë më parë”, tha administratori i NASA-s, Bill Nelson, teksa tregoi se imazhet e reja tregojnë për “krijimin e yjeve dhe vrimat gllabëruese të zeza”.

"Shkëmbinjtë kozmikë" në Nebulozën Carina.

Përdorimi i spektrit të dritës infra të kuqe nga teleskopi, bën të mundur që të shihet përmes pluhurit kozmik dhe “të shihet drita e largët në skajet e universit”, tha ai.

“Ne vërtetë kemi ndryshuar kuptimin e universit tonë”, tha drejtori i përgjithshëm i Agjencisë Europiane të Hapësirës, Josef Aschbacher.

Agjencitë e hapësirës së Europës dhe Kanadasë iu bashkuan NASA-s për të krijuar këtë teleskop të fuqishëm.

Nebuloza e Unazës Jugore. Dy imazhe krahasuese të kësaj mjegullnaje planetare, ku në anën e majt sfhaqet me ngjyra më të theksuara, dhe në anën e djathtë me ngjyra më të zbehta.

Çfarë shfaqin imazhet e reja të NASA-s?

- Nebuloza e Unazës Jugore, që shpesh quhet “shpërthimi i tetë”. Kjo nebulozë planetare gjendet rreth 2,500 vjet dritë larg dhe tregon një re gazi duke u zgjeruar dhe duke e rrethuar një yll që është duke vdekur. Një vit drite është 9.4 trilionë kilometra.

Imazhi i formimit të një ylli në Nebulozën Carina.

Nebuloza Carina, që është një prej mjegullnajave më të ndritura planetare në qiell dhe gjendet afër 7,600 vjet drite larg.

- Pesë galaktika gjatë një vallëzimi kozmik, 290 milionë vjet dritë larg. Këto pesë galaktika, që njihen si Kuintet e Stefanit, për herë të parë janë parë 255 vjet më parë në yjësinë Pegasus.

Kuintet e Stefanit.

- Një planet gjigant me ngjyrë të kaltër i quajtur WASP-96b. Ky planet është sa madhësia e Saturnit dhe gjendet 1,150 vjet dritë larg.

Imazhet u shfaqën një nga një gjatë një ngjarjeje të organizuar në Qendrën Goddard të NASA-s.

NASA sjell pamje spektakolare nga universi. Shihni fotot

Teleskopi James Webb Space Telescope u lëshua në hapësirë në dhjetorin e kaluar. Në janar, ai arriti distancën prej 1.6 milion kilometrash nga Toka./CNA.al