web counter
LEXO PA REKLAMA!

SHKARKO APP

App Store
Google Play

Ndahet nga jeta Vera Zheji, aktorja dhe zëri simbol i Radio Tiranës

18 Gusht 2024, 10:42, Kulturë CNA

Ndahet nga jeta Vera Zheji, aktorja dhe zëri simbol i Radio Tiranës

Aktorja e filmit dhe teatrit shqiptar, Vera Zheji, një nga zërat simbol të Radio Tiranës, është ndarë nga jeta në moshën 91-vjeçare.

Lajmi i hidhur është njoftuar nga vajza e saj, Lea, ditën e djeshme. Vera Zheji u shua në orët e para të së shtunës.

"Nëna ime Vera Zheji, u largua nga kjo botë. Kaloi pak javë të rënda, po iku qetësisht nga shtëpia e familja e saj sot në të gdhira. Në emrin e saj falenderoj gjithë miqtë e shumtë e dashamirësit që e kanë ndjekur, përkrahur e respektuar nëpër vite, të cilët ajo deri në fund i kujtonte me dashuri e mirënjohje. Kjo është jeta! Zoti na ndihmoftë të gjithëve ta mbyllim mirë kohën që na mbetet këtë botë!", njofton ajo.

Vera Zheji njihet si spikere dhe drejtuese e shumë emisioneve tek Radio Tirana.

Ndahet nga jeta Vera Zheji, aktorja dhe zëri simbol i Radio Tiranës

Që në moshën 15 vjeçare, në shkurt të vitit 1948, Vera Zheji u angazhua në Radio Tiranën me leximin e emisioneve letrare. Shumë shpejt, ajo u bë një nga zërat më popullorë dhe më të njohur në të gjithë Shqipërinë.

Zheji punoi për 27 vjet tek Radio Tirana. Në vitin 1975 u transferua në Akademinë e Arteve, si pedagoge e Fjalës Artistike, post të cilin e mbajti deri sa doli në pension.

Vera Zheji mbahet mend si Sandra, bashkëshortja e Thoma Çakshirit (Robert Ndrenika) tek “Shi në plazh”, vjehrra e Samiut (Viktor Zhusti) tek “Mësuesi i letërsisë”, apo në role episodike tek “Dhe vjen një ditë”, “Familja ime”, etj./ CNA





Lajmet e fundit nga