web counter
LEXO PA REKLAMA!

SHKARKO APP

App Store
Google Play

E fundit!

x

Çelet ekspozita e artistit Bujar Luca/ Rama: Është larg të qenit një artist qeveritar

1 Nëntor 2023, 20:43, Kulturë CNA

Çelet ekspozita e artistit Bujar Luca/ Rama: Është larg të

Kryeministri Edi Rama ishte në çeljen e ekspozitës së artistit shqiptar Bujar Luca me temë “Të prekësh të padukshmen”, ku ekspozohen 71 vepra arti, të mediumit pikturë, vizatim dhe grafikë,  të përzgjedhura,  si një retrospektivë e krijimtarisë së tij artistike.

Në çeljen e ekspozitës Rama, vlerësoi talentin  dhe kontributin e artistit në historinë bashkëkohore të arteve pamore shqiptare.

“Ti je një nga ata të cilët i japin historisë bashkëkohore të arteve pamore shqiptare diçka pa të cilën kjo histori do ishte më e varfër. Dhe dua ta falënderoj shumë Bujarin, sinqerisht.  Dua ta falënderoj sepse ka bërë një investim në kohë, ka bërë një investim në energji, ka menduar seriozisht dhe thellësisht për këtë ekspozite dhe ka bërë dhe një investim në hamallëk po themi, sepse ka paketuar dhe transportuar gjithë këto punë, gjë për të cilën nuk e ka paguar qeveria që të jemi të qartë. Është larg së qenit një artist qeveritar apo i oborrit të pushtetit siç në fakt janë shumë ose pothuajse të gjithë nga ata që ekspozohen këtu dhe do doja të shikoja shumë të tjerë që të vinin këtu, mund të vijnë të bëjnë dhe protesta kundër qeverisë këtu dhe sallën e marrin pa qira.”, u shpreh Rama.

Ekspozita do të qëndrojë e hapur për publikun, në datat 02 nëntor - 30 dhjetor 2023./ CNA





Lajmet e fundit nga