web counter
LEXO PA REKLAMA!

SHKARKO APP

App Store
Google Play

E fundit!

x

“Ditët e Mios”/ Edicioni i 13-të i Kolonisë Ndërkombëtare të Arteve Figurative në Korçë

16 Tetor 2023, 08:15, Kulturë CNA
“Ditët e Mios”/ Edicioni i 13-të i Kolonisë
Foto ilustruese

Bashkia Korçë dhe Qendra e Artit dhe Kulturës do të organizojnë Koloninë Ndërkombëtare të Arteve Figurative, “Ditët e Mios”.

Edicioni i 13-të i këtij eventi do të nisë në 25 tetor dhe do të do të zgjasë 3 ditë, deri në datën 28 tetor.

Kolonia Ndërkombëtare e Arteve Figurative mban emrin e piktorit të madh Vangjush Mio.

“Ditët e Mios”/ Edicioni i 13-të i Kolonisë

Mio radhitet në mesin e piktorëve më të mëdhenj të traditës.

Ai konsiderohet piktori me vlera dhe personalitet në pikturën realiste shqiptare. Në ditët e sotme, konsiderohet si autori fillimtar i historisë së artit profesionist të shekullit XX.

Vangjush Mio është ati modern i peizazhit shqiptar.

Vangjush Mio ishte piktori i parë impresionist në Shqipëri. Ai njihet më së shumti për peizazhet dhe konsiderohet si peizazhisti më i përkryer shqiptar i shekullit XX.

Temat e tij të parapëlqyera i merrte nga Korça, Pogradeci dhe rrethinat, por ai përjetësoi në punimet e tij edhe qytete të tjera si Tirana, Elbasani, Himara, Berati dhe Gjirokastra.

Përveç peizazheve, Mio ishte brilant edhe në pikturimin e portreteve. Ai ishte njëkohësisht edhe skenograf i teatrit të qytetit të Korçës.

Gjatë 40 viteve karrierë ai realizoi mbi 400 vizatime dhe 130 piktura. Rreth 60 punime të tij mund të admirohen në Galerinë Kombëtare të Arteve në Tiranë. Veprat e tjera, nën kujdesin e të bijës Rozeta, ekspozohen në shtëpinë e Vangjushit që tani njihet si Muzeu Vangjush Mio.

Në vitin 1994, 21 piktura, të cilat ende nuk janë gjetur, u vodhën nga muzeumi. Në vijim 27 piktura me një vlerë rreth 300,000 dollarë u raportuan të zhdukura në korrik 2012. Mes 27 pikturave të zhdukura, gjendeshin edhe disa nga veprat e para të piktorit që datojnë në fillim të viteve 1920./ CNA





Lajmet e fundit nga