E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Mio, bashkëkohësit dhe artistët e rinj

24 Shtator 2023, 11:06, Kulturë CNA

55 punime të 42 piktorëve shqiptarë që janë pjesë e fondit të Galerisë Kombëtare të Arteve u sollën në një ekspozitë nga kjo e fundit nën kurimin e Suzana Varvaricës. Nën emrin e Pikotrit të madh korçar Vangjush Mio, punimet kryesisht të piktorëve të juglindjes, por edhe qyteteve të tjera shfaqen bashkë pas një periudhe kohore 50-vjeçare, si një mundësi unike që publiku t'i shohë nga afër, nisur nga fakti që jo të gjithë kanë akses në fondin e Galerisë Kombëtare.

Entel Çipa, Drejtore e Galerisë Kombëtare të Artit se do të jenë 10 ekspozita të tilla.

“Kjo është ekspozita e parë që galeria e arteve sjell në qytete të ndryshme të vendit dhe është një eksperiencë, e cila do të shpërndahet në shumicën e qyteteve të Shqipërisë. Kemi rreth 10 ekspozita të tilla. Kemi menduar të bëjmë më tej në Sarandë dhe në Shkodër. Secili ka lidhje me punën e artistëve. Është një atelie. Është menduar të ekspozohet në 10 qytete. E hapim me Pogradecin dhe vazhdojmë me Sarandën, Beratin dhe Shkodrën. Është menduar që fondi i galerisë të mos rrijë i mbyllur. Janë 42 artistë, 55 vepra. Do të shikojmë se kush do të zgjidhet për të vijuar këtë projekt."

Për piktorët Vangjo Vasili dhe Arif Lushi kjo ekspozitë përcjell shpirtin e artistëve më të mirë shqiptarë, Lushi shkon më tej kur thotë se është koha që Galeria të përfshijë në fondet e saj edhe punime të piktorëve pas 90-ës.

“Nga vitet ’90 deri sot fondi nuk është pasuruar. Ka mendje të arta që mund të përpunojnë një draft me Ministrinë e Kulturës që të gjejnë një mundësi që fondi i galerisë të pasqyrojë këtë periudhë.”, tha Lushi.

“Autorë vendas, por dhe të tjerë janë të ekspozuar pas 51 vjetësh. Këto punë kanë parë dritën e ekspozimit këtu dhe pas 51 vitesh riekspozohen përsëri. Më vjen mirë që ekspozohet me kolegë, me profesorë, me mjeshtra. Nderimet më të mëdha. Prej tyre mësuam shkollën e vërtetë.”, tha Vasili.

Ekspozita është parashikuar të shëtisë në 10 qytete të vendit brenda vitit të ardhshëm, sipas idesë dhe punimeve të zgjedhura nga kuratorja./ CNA