web counter
LEXO PA REKLAMA!

SHKARKO APP

App Store
Google Play

Emmanuel Macron nderon Ismail Kadarenë/ I dorëzon Dekoratën e “Oficerit të Madh të Legjionit të Nderit”

16 Tetor 2023, 20:44, Kulturë CNA

Emmanuel Macron nderon Ismail Kadarenë/ I dorëzon Dekoratën e

Presidenti i Francës, Emmanuel Macron, ka dekoruar këtë të hënë mjeshtrin shqiptar të penës, Ismail Kadare.

Pas mbërritjes në Tiranë, Macron i dorëzoi shkrimtarit tonë të shquar Dekoratën e “Oficerit të Madh të Legjionit të Nderit”.

Gjatë ceremonisë së dekorimit, Macron foli me superlativa për Kadarenë, duke përmendur kontributin e tij në letërsi pa u censuruar nga regjimi komunist.

“Ju ishit bërë për të jetuar në Paris. Por në fund të valixhes Juve nuk sillnit shishe vere, akoma më dehës, ju sillnit libra, libra, libra. Kamynë dhe shumë të tjerë.

Në vendin tonë ju keni krijuar shumë miqësi. Me botuesin tuaj, që e kishte çuar ndërgjegjen personale aq sa kishte mësuar shqip, ruante kopje të dorëshkrimeve tuaja që zëri juaj mund tu fliste të gjallëve nëse ju ndodhte gjë.

Në Tiranë, ikja juaj solli protestat e para të studentëve, që prej 40 vjetësh, ju kontribuat në zgjimin e madh të popujve që ngriti perden e hekurt. Që atëherë, nga kryeqyteti i Francës në kryeqytetin e Shqipërisë, më në fund të kthyer në demokraci, të kthyer në veten e saj ju keni ndarë ekzistencën tuaj mes fjalëve dhe gjërave, mes njerëzve dhe vendeve, në një lëvizje luhatëse mes dy kombeve tone, drithma e së cilës nuk rresht së afruari.

Nuk pranuat të braktisnit popullin tuaj, preferuat të mashtronit censurën, të zhvendosni dramën e Shqipërisë në mite dhe legjenda të vjetra. Ju rishpikni një letërsi me të cilin mashtruat regjimin”, tha presidenti francez ndër të tjera./ CNA





Lajmet e fundit nga