E fundit!

16:40 Aktualitet

Investimi në Zvërnec/ Rama: Ja njeriu që investitorët kanë kontraktuar për arkitekturën e peizazhit

Kryeministri Edi Rama ka zbuluar arkitektin me famë botëro...

8 vjet nga shenjtërimi i Nënë Terezës, humanistes së madhe shqiptare

5 Shtator 2024, 08:20, Kulturë CNA

8 vjet nga shenjtërimi i Nënë Terezës, humanistes së

Nënë Tereza

Data 5 shtator 1997 shënon ndarjen nga jeta të misionares dhe humanistes, nënës së të varfërve në të gjithë botën, Shën Terezës.

Gjithashtu, sot mbushen 8 vjet nga shenjtërimi i Nënë Terezës. Ajo u shenjtërua nga Papa Francesku më 5 shtator të 2016-ës, 19 vjet pas ndarjes nga jeta.

Humanistja e madhe shqiptare, Nënë Tereza, la gjurmë në kujtesën e botës për veprën e saj në ndihmë të të varfërve, në emër të dashurisë për Zotin.

8 vjet nga shenjtërimi i Nënë Terezës, humanistes së

Nënë Tereza ishte një murgeshë dhe misionare katolike. Ajo u lind në Shkup, në një familje shqiptare, asokohe qendra e Vilajetit të Kosovës në Perandorinë Osmane.

Jetoi në vendlindje për 18 vjet, më pas ajo u shpërngul në Irlandë e më tej në Indi, ku jetoi pjesën më të madhe të jetës së saj.

Gonxhe Bojaxhi u lumturua më 19 tetor 2003, nga Papa Gjon Pali II, kur u quajt "Tereza e Bekuar e Kalkutës".

Nënë Tereza është nderuar me çmimet dhe nderimet më të larta, duke përfshirë: më 1962 Çmimin e Paqes “Ramon Magsaysay” dhe 1979 Çmimin “Nobel për Paqe”.

8 vjet nga shenjtërimi i Nënë Terezës, humanistes së

Nënë Tereza ka mbetur thellë në kujtesë me deklaratën e saj: “Kam lindur në Shkup, jam shkolluar në Londër, jetoj në Kalkutë dhe punoj për të gjithë njerëzit e varfër në botë. Atdheu im është një vend i vogël me emrin Shqipëri”.

Nënë Tereza gjithnjë mbante veshur mantelin e bardhë me shirita blu të Urdhrit të misionarëve të bamirësisë, të cilin ajo vetë e ngriti në vitin 1950. Ajo shprehej modeste për punën e saj, por njëkohësisht e vlerësonte të domosdoshme atë duke e cilësuar “një pikë lehtësimi në një oqean vuajtjesh”, por sipas saj “nëse kjo pikë nuk do të ekzistonte do t’i mungonte detit”.

8 vjet nga shenjtërimi i Nënë Terezës, humanistes së

Nënë Tereza e kudogjendur për të varfrit u nda nga jeta më 5 shtator 1997, në moshën 87 vjeç, pas një gjysmë shekulli shërbim të të varfërve në Indi e botë. Trupi i saj prehet në Selinë e Urdhrit të Misionarëve të Bamirësisë në Kalkuta. Para se të ndahej nga jeta ajo kishte 4000 motra, në 610 shtëpi misionare, në 123 vende të botës./ CNA