2021-shi vit më i mirë për kulturën, u shtuan shfaqjet dhe u rritën vizitorët

25 Qershor 2022, 21:31, Kulturë CNA
2021-shi vit më i mirë për kulturën, u shtuan shfaqjet dhe u
Foto ilustruese

Viti 2021 tregon që kultura nisi të merrte jetë sërish pas viteve të pandemisë, ku aktivitetet ishin ndaluar.

Institucionet e artit dhe kulturës kanë prodhuar dhe rivënë në skenë 184 shfaqje më shumë krahasuar me vitin 2020, përkatësisht 512.

Por ajo që vihet re është se edhe pse në 20210-shin masat u letësuan numri i shikuesve ka rënë me 242 persona më pak se në 2020-ën. Numri total i spektatorëve në 2021-shin ishte rreth 40 mijë.

Viti që lamë pas ishte pozitiv sa i takon shtimit të vizitorëve në muze, kala apo parqe arkeologjike.

Numri i tyre u dyfishua, çka do të thotë edhe të ardhura më shumë të gjeneruara nga sitet historike. Në 2020-ën, këto objekte u vizituan nga 190 mijë vizitorë dhe në 2021-shin mbi 423 mijë turistë kanë gjallëruar turizmin kulturor.

Frekuentimi më i lartë në institucionet e trashëgimisë kulturore ishte nga vendasit me 60,2 %.

Një publikim i INSTAT, thotë "euronews.al",  po ashtu ka studiuar edhe arsimimin në kulturë, ku regjistrimi në fusha të caktuara ka pësuar rënie me 1,5 pikë përqindje, krahasuar me vitin e kaluar.

Fusha si  “Arte”, “Shkenca Humane dhe Gjuhët”, “Gazetari dhe Informim”, dhe “Arkitekturë dhe Ndërtim” janë preferuar nga gratë./CNA.al

Lajmet e fundit nga