LEXO PA REKLAMA!

SHKARKO APP

Vrasja e Vajdin Lamajt/ SPAK kërkon pushimin e çështjes për Lul Berishën dhe Dervishajn

4 Dhjetor 2023, 14:43, Kronika CNA

Vrasja e Vajdin Lamajt/ SPAK kërkon pushimin e çështjes

Prokuroria e Posaçme ka kërkuar pushimin e çështjes penale ndaj Plarent Dervishajt dhe Lulzim Berishës, të cilët akuzohen për vrasjen e Vajdin Lamajt.

Lulzim Berisha dhe Plarent Dervishaj janë nën hetim për vrasjet e Vajdin Lamajt dhe Klodjan Saliut.

Dy çështjet po hetohen të ndara.

Kujtojmë se Vajdin Lamaj u vra më 27 shkurt të vitit 2005. Atij iu vu tritol në pallatin ku jetonte, në rrugën "Dervish Hima", në Tiranë. Nga shpërthimi humbi jetën edhe miku i Lamajt, Artan Arsi. 

Hetimet për këtë ngjarje ishin pezulluar për moszbulim të autorëve të veprës penale.

Pas rifillimit të hetimeve, Prokuroria e Posaçme grumbulloi prova, të cilat krijonin dyshime të arsyeshme në lidhje me autorët e kësaj ngjarjeje të rëndë kriminale me atë të atentatit të Klodjan Saliut.

Ky i fundit u vra një ditë përpara Lamajt në autostradën Tiranë-Durrës, teksa po lëvizte me makinën e tij “Benz”./ CNA

Lajmet e fundit nga