web counter
LEXO PA REKLAMA!

SHKARKO APP

App Store
Google Play

E fundit!

x

Ekzekutimi e Entjan Nikulajt, pas një serie vrasjesh/ Zanafilla e konfliktit me fisin Lekstakaj

3 Dhjetor 2023, 11:34, Kronika CNA

Ekzekutimi e Entjan Nikulajt, pas një serie vrasjesh/ Zanafilla e

Një atentat mafioz në aksin Lezhë-Shkodër la viktimë 40-vjeçarin Entjan Nikulaj, djalin e xhaxhait të Ardjan Nikulajt. Ky i fundit u ekzekutua në një tjetër atentat më 19 prill të këtij viti, në lokalin e tij në Shëngjin.

Pista kryesore e hetimeve për vrasjen e mbrëmjes së kaluar është ajo e gjakmarrjes mes fiseve Nikulaj dhe Lekstakaj.

Hasmëria mes dy fiseve ka nisur prej 27 vitesh.

Në vitin 1996, në një karburant në dalje të qytetit të Lezhës ka mbetur i vrarë vëllai i Ardian Nikulajt.

Në atë kohë, vëllai i biznesmenit Nikulaj, Pëllumb Nikulaj, bashkë me Fran Qulajn, punonin në një pikë karburanti.

Një nga pjesëtarët e familjes Lekstakaj ka shkuar për të furnizuar makinën aty dhe në një moment punonjësit kanë nisur të debatojnë debatuar me drejtuesin.

Debati ka ndodhur me pretendimin se nuk kishte bërë pagesën e karburantit, 10 mijë lekë të vjetër.

Pas debatit ata janë larguar dhe njëri prej tyre është rikthyer i armatosur disa minuta më vonë duke qëlluar në drejtim të karburantit. Nga të shtënat mbeti i vrarë edhe vëllai i Ardian Nikulajt, Pëllumbi dhe kolegu i tij, Fran Qulaj.

Pak muaj pas kësaj ngjarje, më 29 shtator të vitit 1997, në Balldre të Lezhës u vranë Gëzim Ded Lekstakaj dhe Lauren Ndoc Gjetja, konkretisht dajë e nip. Ndërsa më 30 mars të vitit 1999, është vrarë shtetasi Gjovalin Lekstakaj dhe është plagosur Pjetër Lekstakaj.

Dëshmitar i ngjarjeve ka qenë, Klodian Lekstakaj, djali i njërit prej viktimave, Gjovalin Lekstakajt. Klodiani është larguar drejt Anglisë dhe nga atje ka nisur një letërkëmbim me institucionet ligjzbatuese shqiptare, duke kërkuar që të përfitojë statusin e dëshmitarit të mbrojtur, status që i është mohuar.

Klodian Lekstakaj ka pasur disa komunikime me autoritetet e drejtësisë, por deri më tani nuk ka asnjë të dënuar nga policia për këto ngjarje.

Rreth 21 vite pas këtyre vrasjeve, ka filluar një seri hakmarrjesh. Më 19 prill të 2023-shit u ekzekutua Ardian Nikulaj. Kur kishin kaluar vetëm 3 muaj nga kjo ngjarje, më 19 korrik 2023 u vra Nikolin Lekstakaj dhe vrasja më e fundit është ajo e mbrëmshmja e Entjan Nikulajt./ CNA





Lajmet e fundit nga