LEXO PA REKLAMA!

SHKARKO APP

Zjarr në një hotel në Bilisht/ Zjarrfikësit në luftë me flakët

4 Dhjetor 2023, 14:28, Kronika CNA

Zjarr në një hotel në Bilisht/ Zjarrfikësit në

Një zjarr ka rënë këtë të hënë në një hotel në fshatin Vranisht të Bilishtit.

Burime për CNA bëjnë me dije se forcat zjarrfikëse të Devollit janë në luftë për shuarjen e flakëve.

Për ndihmë u nisën edhe zjarrfikëse nga Korça.

Paraprakisht mësohet se kanë dalë të gjithë personat që ndodheshin në hotel, por raportohet për shumë dëme te ndërtesa dhe orenditë.

Dyshohet se shkaku ka qenë një shkëndijë elektrike, por do të jetë ekspertiza ajo që do ta përcaktojë.

Flakët janë ende prezente, ndërkohë që po vijon ndërhyrja nga zjarrfikëset. Ndërkaq, edhe policia ndodhet në vendngjarje.

"Më datë 04.12.2023, rreth orës 14:00, në afërsi të fshatit Vranisht, Devoll, ka rënë zjarr në katin e tretë të një hoteli. Lëndime në njerëz nuk ka, vetëm dëme materiale. Paraprakisht dyshohet se zjarri mund të ketë rënë për shkaqe aksidentale.

Grupi hetimor po punon për zbardhjen e shkakut të rënies së zjarrit", thuhet në njoftimin e policisë./ CNA

Zjarr në një hotel në Bilisht/ Zjarrfikësit në

Lajmet e fundit nga