LEXO PA REKLAMA!

SHKARKO APP

Vrasja e Liridona Murselit/ Lihen në burg bashkëshorti, autori dhe pjesëtari i Forcës së Sigurisë

3 Dhjetor 2023, 12:35, Kronika CNA

Vrasja e Liridona Murselit/ Lihen në burg bashkëshorti, autori dhe

Gjykata Themelore në Prishtinë ka lënë në burg Naim Murselin për urdhërimin e vrasjes së bashkëshortes së tij, Liridona Murseli.

Githashtu gjykata ka lënë në burg autorin e dyshuar të vrasjes, Granit Plavën, si dhe pjesëtarin e Forcës së Sigurisë, shtetasin K.K.

Konkretisht është caktuar masa e sigurisë 30 ditë “arrest me burg” për 3 të akuzuarit në ekzekutimin e Murselit.

“Ekziston dyshimi i bazuar se i pandehuri N.M me dashje që ta privojë nga jeta në mënyrë dinake bashkëshorten e tij, ishte marrë vesh me të pandehurin G.P për ta vrarë tani të ndjerën L.M, ku paraprakisht i pandehuri N.M e kishte pajisur me armë të pandehurin G.P dhe kishin inskenuar veprën penale të grabitjes, e cila është realizuar me datë 29.11.2023 rreth orës 20:25 minuta, në fshatin Bernicë, Komuna e Prishtinës, në atë mënyrë që derisa i pandehuri N.M ishte duke lëvizur me veturën e tij, në të cilën kanë qenë e ndjera L.M dhe dy fëmijët e tyre, papritmas ka dalë para veturës i pandehuri G.P me maskë në kokë dhe revole në dorë, ku sipas marrëveshjes paraprake i pandehuri N.M me fëmijët kishin dalë nga vetura dhe ishte larguar nga vendi i ngjarjes kinse për të ikur, ndërsa në veturë kishte mbetur tani e ndjera, të cilën i pandehuri G.P e kishte qëlluar nga afërsia me një plumb në qafë dhe si pasojë e plagës vdekjeprurëse, e ndjera L.M kishte ndërruar jetë në vendin e ngjarjes, ndërsa për këto veprime i pandehuri N.M, paraprakisht i kishte premtuar të pandehurit G.P shumën e të hollave prej 30,000.00 €”, thuhet në dosje hetimore.

Kujtojmë se Liridona Murseli u vra më 29 nëntor në Prishtinë. Në mesin e të dyshuarve për vrasjen e 30-vjeçares është edhe burri i saj, i identifikuar nga mediat lokale si Naim Murseli./ CNA

 

Lajmet e fundit nga