Masakra e Lushnjës/ Më 18 mars gjykata jep pretencën për Laert Haxhiun

29 Shkurt 2024, 10:49, Kronika CNA

Masakra e Lushnjës/ Më 18 mars gjykata jep pretencën për

Laert Haxhiu

Më 18 mars në orën 14:30, Prokuroria e Posaçme do të japë pretencën për Laert Haxhiun, në lidhje me masakrën e Lushnjës, ngjarje e cila ka ndodhur në shtator të vitit 2017.

Në seancën e kësaj të enjteje gjykata rrëzoi kërkesën e avokatëve mbrojtës sa i përket kërkesës së tyre për pamjet filmike. Sipas avokatëve, duhet një aktekspertimi për të analizuar edhe një herë pamjet e kamerave të sigurisë.

Gjykata e Posaçme për Korrupsionin dhe Krimin e Organizuar ka kaluar për gjykim dosjen në ngarkim të Laert Haxhiut, Orges Bilbilit dhe Anterio Kaloshit, duke i marrë këta të fundit të pandehur, nën akuzë për disa vepra penale, mes tyre 'vrasje në rrethana cilësuese' dhe 'grup të strukturuar kriminal'.

Haxhiu, Bilbili dhe Kaloshi u akuzuan se si autorë të masakrës së Lushnjës, ku vranë Zamir Latifin dhe Jurgen Hoxhën në 11 tetor 2017 në Lushnjë, por u shpëtoi shënjestra, Xhulio Shkurti, nipi i Aldo Bares, kreu i bandës së Lushnjës.

Në këtë atentat u plagosën Marjus Xhepexhiu dhe Bujar Turku. Veç akuzës së vrasjes në rrethana cilësuese të një ose më shumë personave, Bilbili akuzohet për “Kryerjen e veprave penale në kuadër të grupit kriminal”./CNA