web counter
LEXO PA REKLAMA!

SHKARKO APP

App Store
Google Play

Kapet në Pogradec turku i shumëkërkuar/ Zbardhet skema e mashtrimit për t’u maskuar

20 Qershor 2022, 17:01, Kronika CNA
Kapet në Pogradec turku i shumëkërkuar/ Zbardhet skema e
Salih Akkurt

Kapet dhe vihet në pranga një shtetas turk, i shumëkërkuar nga drejtësia turke, i dënuar me 21 vite burgim dhe i larguar nga vendi i vuajtjes së dënimit.

Arrestimi i tij është bërë i mundur në sajë të operacionit policor të koduar "Pojska", pas marrjes së informacionit se një person nën kërkim fshihej në Pogradec.

Pas disa ditësh mbajtjeje nën kontroll, blutë arrestuan me qëllim ekstradimi, në shëtitoren "10 Dëshmorët e Pojskës", shtetasin Salih Akkurt, 42 vjeç, banues në Konya, Turqi.

Për t'u maskuar, ai mashtronte qytetarët përmes ushtrimit të profesionit të fizioterapistit.

42-vjeçari ishte në kërkim ndërkombëtar pasi Zyra Qendrore Kombëtare e Interpol Tiranës është njoftuar nga Interpol Ankara, Turqi, se për këtë shtetas, më datë 05.05.2022, është lëshuar urdhër-arresti nga Prokuroria e Izmirit, Turqi, në zbatim të vendimit nr. 2020/8992, të datës 30.12.2020, në bazë të të cilit, 42-vjeçari është dënuar me 21 vite, 10 muaj e 15 ditë burgim, nga të cilat i kanë mbetur për të vuajtur edhe 10 vite e 1 ditë burgim, për veprat penale "Mashtrimi i rëndë duke përdorur sistemet informative, të bankave dhe kartave të kreditit" dhe "Largimi nga vendi i vuajtjes së dënimit", të parashikuara nga legjislacioni turk.

Gjatë kontrollit fizik, shërbimet e Policisë gjetën dhe sekuestruan çeqe në shuma të mëdha monetare.

Ndërkaq, Interpol Tirana në bashkëpunim me Interpol Ankara, Turqi, dhe agjencitë ligjzbatuese vijojnë procedurat për ekstradimin e këtij shtetasi drejt Turqisë./ B.A. – CNA.al





Lajmet e fundit nga