E fundit!

21:22 Aktualitet

Tubimi i 45-të/ Protestuesit marshojnë në rrugët e Tiranës me thirrje kundër qeverisë

Protestuesit janë larguar nga Kryeministria pas përfundimi...

Fierakia bashkëpunon me policinë/ “Fundos” bashkëshortin: Paketoi drogë me komshiun

18 Shtator 2023, 18:04, Kronika CNA

Fierakia bashkëpunon me policinë/ “Fundos”

Foto nga operacioni dhe droga e sekuestruar

Një operacion i policisë së Fierit më 9 shtator të këtij viti, pra 10 ditë më parë, dërgoi 2 persona në pranga, Osmën Mehmetajn dhe Asqeri alias Panajot Shanajn, ndërkohë në kërkim u shpall Eduard Mehmetaj.

Blutë sekuestruan rreth 30 kilogramë kanabis dhe 500 gramë kokainë, e ndarë në pako që do të trafikohej drejt Greqisë.

Rezulton se policia për operacionin “Vakumi” ka bashkëpunuar me bashkëshorten e Eduard Mehmetajt, personit në kërkim.

Në dosjen hetimore tregohet se shtetasja E. M. i ka ofruar policisë të dhëna për aktivitetin kriminal të bashkëshortit të saj.

Goditet grupi kriminal/ Sekuestrohen 30 kilogramë drogë
9 Shtator, 10:10

Ajo ka treguar se automjeti tip “Volvo”, në të cilën u gjet droga, është i regjistruar në emër të Eduart Mehmetajt, ndonëse mjetin e kanë blerë shokët e këtij të fundit.

Shtetasja E. M. ka deklaruar se nuk ka dijeni se si quhen shokët e bashkëshortit apo nga janë ato.

“… automjeti ka rreth dy muaj i parkuar dhe nuk ka lëvizur që nga dita që është parkuar. Në lidhje me makinerinë e presimit nuk e di se e kujt është, por atë e ka sjell Eduardi në shtëpi me mjetin e tij tip “Audi”, rreth dy muaj më parë…

Me makinerinë e presimit të pakove me lëndë narkotike, Eduarti ka paketuar në 7 shtator 2023 së bashku me Asqeri Shahaj, i cili është gjitonë i lagjes sonë…”, është shprehur ajo.

Bashkëshortja e Mehmetajt ka rrëfyer se Eduarti e solli lëndën narkotike një ditë para se të vinte policia dhe e paketoi në të njejtën natë me komshiun e tij, më pas makinën e morën disa persona të tjerë dhe e dërguan në servis me qëllim që ta modifikonin për fshehjen e drogës./ CNA