web counter
LEXO PA REKLAMA!

SHKARKO APP

App Store
Google Play

E fundit!

x

Një shqiptar në listën e më të kërkuarve në Evropë/ 58-vjeçari, drejtues i një organizate kriminale

17 Shtator 2023, 22:27, Kronika CNA

Një shqiptar në listën e më të kërkuarve në

Europol ka futur një tjetër shqiptar në listën e personave më të kërkuar.

58-vjeçari Haredin Fejzulla është shpallur në kërkim me kërkesë të policisë federale belge.

Dyshohet se ai ka fituar miliona nga tregtia e drogës në Belgjikë dhe kjo është edhe arsyeja pse Europol e shtoi në listën e “Më të Kërkuarve” në Evropë.

Haredin Fejzulla ka lindur në Shqipëri, por ka jetuar në Belgjikë me familjen për një kohë të gjatë. 

Për herë të parë, shqiptari ra në duart e policisë në 29 gusht të 2013-ës, kur u ndalua me makinë gjatë një kontrolli rutinë.

Një shqiptar në listën e më të kërkuarve në

58-vjeçari ndodhej në shoqërinë e 4 shqiptarëve të tjerë, shtetasve Leonard Z., njeriu i tij besnik Fejzulla dhe dy miq.

Autoritetet sekuestruan 108 gramë kanabis dhe që prej asaj kohe shqiptarët janë mbajtur në vëzhgim.

Nga hetimet dhe përgjimet telefonike u zbulua se ata ishin pjesë e një bande që kishin mbjellë dhjetëra plantacione të paligjshme kanabisi në Bruksel dhe në periferi të kryeqytetit gjatë viteve 2013-2019.

Policia gjeti konkretisht 22 plantacione, të cilat ishin të ngritura në vila që ishin marrë me qira.

Një shqiptar në listën e më të kërkuarve në

E gjithë familja e tij ishte e përfshirë në aktivitetin e paligjshëm. Djali i tij 31-vjeçar u dënua me 3 vite burg si ndihmës logjistik dhe roje i plantacioneve.

Vetë Fejzulla është në arrati që prej 22 shtatorit 2014 dhe që prej asaj kohe nuk është parë më nga autoritetet belge. 

Ai dyshohet se është fshehur duke përdorur pseudonimet apo emrat grekë si “Spiros”, “Robotis Postolis” ose “Vasileios Samaras”.

Gjykata e Brukselit e ka dënuar tri herë në mungesë për trafik narkotikësh dhe si drejtues të një organizate kriminale. Tani atij i duhet të vuajë gjithsej 18 vite burg, ndërkohë që i janë konfiskuar 1.365.000 euro.

Një shqiptar në listën e më të kërkuarve në

Tashmë mendohet se Fejzulla është larguar nga Belgjika dhe operon nga vende të tjera evropiane.

Tashmë mendohet se Fejzulla është larguar nga Belgjika dhe operon nga vende të tjera evropiane. Emri dhe fotografia e tij tani shfaqen pranë të arratisurve të tjerë famëkeqë si bosi holandez i drogës “Bolle Jos” Leijdekkers, apo biznesmenia sllovake Eva Zamecnikova./ CNA





Lajmet e fundit nga