LEXO PA REKLAMA!

SHKARKO APP

App Store
Google Play

Video-27 sera me mijëra fidanë kanabis/ Dalin pamjet nga aksioni në Malësinë e Madhe

29 Mars 2023, 09:37, Kronika CNA
Video-27 sera me mijëra fidanë kanabis/ Dalin pamjet nga aksioni
Foto ilustruese

Policia e Shkodrës në bashkëpunim me policinë e Malësisë së Madhe kanë finalizuar megaoperacionin e koduar “Krateri”.

Gjatë këtij aksioni, janë zbuluar 27 sera me kanabis, 20 metra në thellësi të këtij krateri, brenda të cilave janë gjetur të kultivuar në kubikë, rreth 8 000 fidanë të dyshuar narkotikë cannabis sativa, në proces për t’u kultivuar në tokë.

Në vijim të veprimeve hetimore, është arrestuar shtetasi N. D. alias E. V., 52 vjeç, banues në Bajzë, Malësi e Madhe, si organizator i dyshuar i kësaj veprimtarie kriminale.

Po në vijim të veprimeve hetimore, ka nisur procedimi në gjendje të lirë për shtetasit Gj. Gj., 61 vjeç, me detyrë Drejtor i Shërbimit Pyjor në bashkinë Malësi e Madhe; R. Gj., 41 vjeç, me detyrë specialist i Ujësjellësit në bashkinë Malësi e Madhe (i cili mbulon zonën ku janë gjetur fidanët narkotikë) dhe A. H., 36 vjeç, me detyrë hidraulik i Ujësjellësit në bashkinë Malësi e Madhe (i cili mbulon zonën ku janë gjetur fidanët narkotikë).

Më poshtë do të gjeni videon ku tregohen pamjet nga 27 serat me kanabis./ CNA.al

Lajmet e fundit nga