LEXO PA REKLAMA!

SHKARKO APP

Krimi i rëndë ndaj “Top Channel”/ Gazetarja Klodiana Lala zbulon dinamikën e ngjarjes

27 Mars 2023, 14:57, Kronika CNA

 

Krimi i rëndë ndaj “Top Channel”/ Gazetarja Klodiana Lala

Gazetarja Klodiana Lala ka folur në lidhje me ngjarjen e rëndë që ndodhi para godinës së “Top Channel”, ku mbeti viktimë roja i godinës.

Lala ndërsa theksoi se fasada e katit të dytë u qëllua me breshëri dhe më pas automjeti është larguar në rrugë dytësore dhe ka marrë drejtimin drejt Kavajës, ku edhe është gjetur i djegur.

“Një automjet i vjedhur në Shkodër disa kohë më parë, ka ardhur nga ura e Kasharit. Fiks në mesin e godinës është qëlluar gjithë fasada e katit të dytë, nga rreth 15 m.

E them se media asnjëherë nuk është bosh dhe të gjithë ata që kanë qenë brenda kanë qenë të rrezikuar. Roja ka qenë brenda kabinës së tij dhe ka qenë i ulur. Njëri nga rojet në momentin që ka ndodhur sulmi është larguar për pak minuta.

Automjeti më pas është larguar në rrugë dytësore dhe ka marrë drejtimin drejt Kavajës, ku edhe është gjetur i djegur. Është qëlluar në ecje e sipër, pra nuk kanë zbritur në tokë. Hetuesit janë duke parë të gjithë dinamikën. Deri tani nuk mund të flasim për një autor në lidhje këtë ngjarje. Shihet si një sulm i hapur ndaj medias.

Sot në ambientet e jashtme të 'Top Channel' kam parë një klimë të ftohtë dhe një klimë pasigurie. Është përdorur një automjet 'Range Rover' dhe është djegur në mes të rrugës si për të thënë krimi është mbi të gjithë. Ndaj edhe kjo ngjarje duhet hetuar sepse në të kundërt mund t’i japë zë krimit për t’u përsëritur”, tha Klodiana Lala./CNA

Lajmet e fundit nga