web counter
LEXO PA REKLAMA!

SHKARKO APP

App Store
Google Play

E fundit!

x

Akti terrorist në "Top Channel"/ Klodiana Lala, thirrje urgjente: Zbardhni ngjarjen

27 Mars 2023, 08:49, Kronika CNA
Akti terrorist në "Top Channel"/ Klodiana Lala, thirrje urgjente:
Gazetarja Klodiana Lala

Gazetarja Klodiana Lala ka reaguar në lidhje me ngjarjen e rëndë në godinën e televizionit të “Top Channel”, ku mbeti i vrarë roja i sigurisë.

Me anë të një postimi në rrjetet sociale, Lala shkruan se kriminelët po enden të lirë dhe se zbardhja e kësaj ngjarjeje duhet të jetë urgjente.

Gazetarja shton gjithashtu se kriminelët kryen një akt tjetër terrorist në një TV Kombëtar dhe u larguan të qetë.

Sipas saj autorët dogjën makinën dhe duke lënë brenda saj dy armë nënkuptonin se ata nuk kanë limite.

“Pal Kola punonte pranë godinës së televizionit 'Top Channel', si roje sigurie. Ishte me gjasë i lumtur që kishte gjetur një punë, sepse po i afrohej pensionit. Por kriminelët e qëlluan me një plumb aty në vendin e punës duke i marrë jetën. Me një plumb. Kriminelë që lëviznin me makinë luksi. Pali mbeti i vrarë. Kriminelët si ngaherë pasi bënë një tjeter akt terrorist duke derdhur breshëri kallashnikovi ndaj TV Kombëtar me të madh në vend u larguan të qetë. E shkrumbuan makinën dhe brenda saj lanë dy armë, si për të thënë që ne nuk njohim limite.

Kriminelë që vranë një burrë të pafajshëm. Kriminelë që prekën lirinë e fjalës.

Ndaj është urgjente zbardhja e kësaj ngjarje. Urgjente”, shkruan Lala./ CNA

Akti terrorist në "Top Channel"/ Klodiana Lala, thirrje urgjente:

 





Lajmet e fundit nga