web counter
LEXO PA REKLAMA!

SHKARKO APP

App Store
Google Play

E fundit!

x

Qëlluan me armë drejt një makine në Rrëshen/ Arrestohet një person, dy të tjerë në kërkim

27 Mars 2023, 16:08, Kronika CNA

Qëlluan me armë drejt një makine në Rrëshen/ Arrestohet

Policia ka kapur dhe vënë në pranga njërin nga autorët e dyshuar e shpallur në kërkim lidhur me të shtënat me armë drejt makinës së një 41-vjeçari në Rrëshen.

Bëhet fjalë për shtetasin me iniciale M. M. (alias M. B.), 59 vjeç, banues në Rrëshen.

Dyshohet se 59-vjeçari dhe shtetasit E. V. (alias E. B. alias E. M.), 31 vjeç e K. M. (alias K. B.), 28 vjeç, përkatësisht djali dhe nipi i shtetasit M. M, pas një konflikti për motive të dobëta, kanë qëlluar me armë zjarri, në drejtim të automjetit të shtetasit S. R., 41 vjeç.

I arrestuari akuzohet për veprat penale "Vrasja me paramendim”, mbetur në tentativë, kryer në bashkëpunim dhe “Mbajtja pa leje dhe prodhimi i armëve, armëve shpërthyese dhe i municionit”.

Aktualisht po vijojnë kontrollet për lokalizimin dhe kapjen e 2 autorëve të tjerë të dyshuar.

Gjithashtu, nën drejtimin e Prokurorisë pranë Gjykatës së Rrethit Gjyqësor Lezhë, po vijojnë hetimet për zbardhjen e plotë të ngjarjes dhe dokumentimin ligjor të përgjegjësisë penale të secilit prej shtetasve të përfshirë në këtë rast.

Ndërkaq, materialet procedurale i kaluan Prokurorisë pranë Gjykatës së Rrethit Gjyqësor Lezhë, për veprime të mëtejshme./ CNA.al





Lajmet e fundit nga