LEXO PA REKLAMA!

SHKARKO APP

App Store
Google Play

Sulmi ndaj “Top Channel”/ Policia, drejt zbardhjes së ngjarjes

28 Mars 2023, 08:55, Kronika CNA
Sulmi ndaj “Top Channel”/ Policia, drejt zbardhjes së ngjarjes
Foto ilustruese

Policia me një intensitet të madh ka zhvilluar dje disa operacione në lidhje me kapjen e të dyshuarve të ngjarjes kriminale ndaj "Top Channel".

Disa media raportuan se ishte kapur si i dyshuar ish-dhëndri i viktimës, por kjo ishte e pavërtetë.

Mësohet se uniformat blu janë shumë pranë zbulimit të ngjarjes.

Burime zyrtare thanë se pronarët e "Top Channel" nuk është se kanë ndihmuar shumë hetimet dhe ekspertët për të zbardhur ngjarjen.

Por ashtu siç është raportuar edhe më parë, janë disa pista, që nga paratë me fajde nga grupet kriminale, aktiviteti i "Top Channel", deri te çështjet që lidhen me prishje të kontratave dhe bashkëpunimi me bizneset.

CNA një ditë më parë raportoi katër pistat ku po hetonte policia, ku përfshihej "Big Brother VIP", fajdet dhe borxhet, prishja e kontratave dhe bashkëpunimi me bizneset apo aktiviteti i "Top Channel".

Zbardhjen e ngjarjes e ka bërë me dije edhe kryeministri Edi Rama, gjatë mbrëmjes së kaluar në emisionin "Top Story", ku tha se autoritetet i janë afruar shumë pranë zbulimit të identitetit të autorëve. 

Kujtojmë se sulmi ndaj "Top Channel" ndodhi në orët e para të mëngjesit të së hënës. Autorët kanë qëlluar me breshëri plumbash nga një automjet i tipit “Range Rover”, ku mbeti i vrarë roja i sigurisë, Pal Kola.

Pak orë pas krimit, automjeti u gjet në Golem në Kavajë, i shkrumbuar tërësisht.

Brenda mjetit u gjetën edhe dy kallashnikovët me të cilët autorët kishin sulmuar./ CNA.al

 

Lajmet e fundit nga