web counter
LEXO PA REKLAMA!

SHKARKO APP

App Store
Google Play

Marrëveshja mes Shqipërisë dhe Kosovës/ Kurti: Thellon më shumë bashkëpunimin ndërshtetëror

13 Prill 2023, 08:09, Kosova & Bota CNA
Marrëveshja mes Shqipërisë dhe Kosovës/ Kurti: Thellon
Kryeministri i Kosovës Albin Kurti

Kryeministri i Kosovës, Albin Kurti, ka reaguar pas nënshkrimit të protokollit mes Shqipërisë dhe Kosovës, për lëvizjen e lirë të qytetarëve në zonat ndërkufitare mes dy vendeve.

Kurti shkruan se mbi 200,000 shtetas të Kosovës dhe Shqipërisë që banojnë në zonat deri në 30 km nga kufiri tokësor kanë të drejtë të kalojnë kufirin lirshëm dhe të qëndrojnë në zonën kufitare, për arsye sociale, kulturore, familjare.

Kryeministri Kurti shkruan se kjo marrëveshje thellon edhe më tej bashkëpunimin tonë ndërshtetëror dhe lehtëson ndërveprimin e qytetarëve në të dyja anët e kufirit.

“Mundësohet lëvizja e lirë e qytetarëve në zonat ndërkufitare Kosovë-Shqipëri

Ministria e Brendshme e Republikës së Kosovës dhe Ministria e Punëve të Brendshme e Republikës së Shqipërisë kanë nënshkruar Protokollin Zbatues të Marrëveshjes Qeveritare për Regjimin e Trafikut Lokal në Zonat Kufitare, duke mundësuar e jetësuar lëvizjen e lirë të qytetarëve që banojnë në zonat kufitare, në 26 vendkalime të veçanta kufitare.

Prej ditës së sotme, mbi 200,000 shtetas të Kosovës dhe Shqipërisë që banojnë në zonat deri në 30 km nga kufiri tokësor kanë të drejtë të kalojnë kufirin lirshëm dhe të qëndrojnë në zonën kufitare, për arsye sociale, kulturore, familjare etj.

Kjo Marrëveshje thellon edhe më tej bashkëpunimin tonë ndërshtetëror dhe lehtëson ndërveprimin e qytetarëve në të dy anët e kufirit”, shkruan Kurti./ CNA.al





Lajmet e fundit nga