web counter
LEXO PA REKLAMA!

SHKARKO APP

App Store
Google Play

Kurti, kundër Ramës: Veriun e ruajmë vetë, formula nuk duhet ndryshuar

29 Shtator 2023, 10:37, Kosova & Bota CNA
Kurti, kundër Ramës: Veriun e ruajmë vetë, formula nuk duhet
Albin Kurti dhe Edi Rama

Kryeministri i Kosovës, Albin Kurti, e ka komentuar deklaratën e Edi Ramës, se KFOR-i duhet të marrë nën kontroll veriun e Kosovës. 

Në një intervistë për medias boshnjake "Hayat TV", Kurti u shpreh se kudo në Kosovë e para përgjigjet policia e pastaj KFOR-i e pastaj EULEX-i.

“Për propozimin e kryeministrit shqiptar Edi Rama që KFOR-i të marrë kontrollin e veriut të Kosovës. Ne kemi nevojë për patrulla të përbashkëta të policisë sonë dhe KFOR-it në kufirin mes Kosovës dhe Serbisë. E për sa i përket gjërave të tjera, kjo tashmë është vendosur. Kudo në Kosovë, e para që përgjigjet është policia jonë, pastaj EULEX-i dhe më pas KFOR-i. Dhe nuk mendoj se kjo formulë duhet ndryshuar”, u shpreh Kurti.

Të enjten në një konferencë për mediat, Edi Rama u shpreh se nuk duhet të ketë asnjë hezitim dhe se Kosova ka nevojë për KFOR-in. 

“KFOR-i duhet të marrë në kontroll veriun. Çdo hezitim dhe vonesë me argumentin e orëve të fundit se kemi apo jo trupa mund ta bëjë ndërhyrjen e nesërme të KFOR-it shumë më të madhe në trupa dhe vështirësi. Prandaj jam këtu sot dhe më vjen mirë që këtë e kërkon edhe Kosova KFOR-in në veri. Më vjen mirë që dje presidentja Osmani ka kërkuar ndihmën e SHBA-së për draftin e asociacionit. Nuk di cili është mendimi i aleatëve strategjikë për këtë kërkesë, por në thelb kërkesa është pozitive dhe është një hap në drejtimin e duhur nga ana e Kosovës”, u shpreh Rama./CNA







Lajmet e fundit nga